1Korɛntea 13:2 - BII BILA

² Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

1Korɛntea 13:2 Referans Kwoze

1Nsaŋ 4:8

Vana kaola le, mɛɛ ndu sínà Hala le, kani kaolaa Hala co ni.

1Korɛntea 13:3

I piɔw bɛɛ ɲɛm nun kpow le vannda baloo dɔvɔɔ, i yɔngu bɛɛ dialun nun le lomɔɔ, te kaola co ya o kɔl te, kon co ɲɛ-ɲɛ le ya le.

Matie 17:20

Mí Yeesu mulul nda aa: «Kani la nɔ laalan bɔɔ le. I co niaa toɲaa dimul, niáà nɔ pɛ laalanndo maa kulii mutarde, niáà nɔla mi niáà dimul pembei he aa: ‹Faŋan o fondaa ho, mà kɔɛ o nda›, mì ndíì faŋan. Ɲɛ-ɲɛ niáà bumbanin tosa le.

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

Matie 21:21

Mí Yeesu mulul nda aa: «I co niaa toɲaa dimul, te la nɔ pɛ laalanndo, mì la kiisan te, la tosanin dɛnɛ tosalan hoo a voosu tumndo-o, kɛ la dimulnin vɛlɛ pembei he aa: ‹Sungun ndon mà kɔ del o mɛmma ihɛllan nin›, mì kon tosan.

Efɛsea 3:4

Nduyɛ, te la va pɛ sɛbɔɔ ho tofaa, la sinanin kɔlkalu ya sɔla o dɛnɛ viannan Krista-o nin-ndo.

1Korɛntea 13:1

I soo bɛɛ o sɔɔn mangalan vanndacieea a o sɔɔn mɛlɛkaa nin, te kaolaa co ya o kɔl te, mɛɛ i siŋnun maa diom ibamba, te kon te maa diom kɛ́ŋii comulaa.

Kalatea 5:16

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Kolɔsea 1:26

sɔɛi viannaŋii o vin vanndacieea kabi sindɛ, kɛ mó cɔm sunsun vanaa laalannda-e.

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Matie 21:19

Mó ca voosu tumndo o nɛiyo lekɔɔ, mó sɔɔnguu, kɛ o komal ɲɛ-ɲɛ lecoo le, fɔ pei daama. O kon mó dimul ndu aa: «Nɔm a kum-ndɛ fɛɛn a fɛɛn te!» Fɔ́ɔ́fɔ̀, mí voosu kon vesa.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

1Korɛntea 14:39

Lelan puapilɛa nia, yeemɛi bii niaa le diom Hala-o tɛɛnguuo, la kuuna vannda sɔɛi o sɔɔn mangalan celen nin te.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Dɛnnda kiilaa 13:1

Vanaa-tɛɛngaa-diom Hala-a a vanaa pɛɛkaa latɔŋnda pum a va vanaa Krista-aa tɛɛn Antiɔs: Barnabas, Simeɔn o ndáà ke diolan aa Vana-Tiŋio-o, Lusius fula Sirɛne-o, Manaɛn sul nɛɛ pilɛ nda Herɔde-o, Herɔde va masalen tosaa Kalile-o pɛɛn, a Sol.

Rɔmnda 15:14

Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.

1Korɛntea 11:4

Vanapɔnɔ oo vanapɔnɔ piɛi pɛ Hala, te kon te mò va diom Hala-o tɛɛnguuo a ɲɛ pum o lebol, mɛɛ o cii vana co ndu bollen-ndo bɛ̀ɛ̀lan tɛɛmbuu.

1Korɛntea 13:8

Kaolaa cuu lɔ́ɔ́-lɔ́ɔ̀ le, diom Hala-o tɛɛnguuo co hunɔɔ hiovɔɔ, sɔɔn mangalan co hunɔɔ cuvɔɔ, dɛnɛ sinaa co hunɔɔ hiovɔɔ.

1Korɛntea 14:4

Vana soo pɛ o sɔɔn mangalan celen nin, ndu pila malan. Kɛ vana tɛɛngu pɛ diom Hala-o, ndu hivi vanaa laalannda laci o laalan ndaa nin.

1Korɛntea 14:29

Vanaa-tɛɛngaa-diom Hala-a a ŋiɔn te kon te a yaa soo pɛ, a tɔ̀a kelu ɲɛ nda co dimio-o iyama.

1Korɛntea 15:51

I co niaa sɔɛi viannan-nde dimul. Naa kpow n vinin te, kɛ naa kpow n mangalanin,