1Korɛntea 13:13 - BII BILA

¹³ Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

1Korɛntea 13:13 Referans Kwoze

1Korɛntea 16:14

La tosa dɛnndan kpow niaa tɛɛn o kaolaa nin.

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Nsaŋ 2:10

Vana kaola pɛ puapilɛ ndɔɔ, mɛɛ ndu co o ɲɛ-tengaa nin, ɲɛ-ɲɛ tosa mò del co le.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

1Korɛntea 8:3

Kɛ te vana kaola pɛ Hala, Hala sínà vana kon.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Nsaŋ 3:9

Vana-vana velun pɛ o Hala nin, ndu hiw laci a hakio tosaa le, kani yɛi Hala-o co ndu nin, o nɔla hakio tosaa le, kani cua Hala-o o co ni.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Nsaŋ 2:14

Niaa cuaambɔa, i co niaa sɛval, kani la sínà Pua. Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔ yoomuan, sɔɛi Hala-e co niaa o lakɔl, mì la nɔla Vana Vɔɔndo.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

2Timote 1:7

Kani Hala ke naa kɔl taalɛɛ le, kɛ kɔl pei naa kpaayaa, kaolaa a kɔllo biyɔɔ-o.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

1Korɛntea 14:1

Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

1Korɛntea 3:14

Vana baŋɔɔ ndɔɔ lo pɛ o cɛi nda kila-o coo, mò simul yinnden, mɛɛ vana baŋ o cɛi-kilaa kon coo-o sɔlanin vɔ̀ngɔ̀ɔ́.

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Luke 10:27

Mí vana pɛɛkaa latɔŋ kon muli aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow, a kpaaya nɔmndo kpow a á yiyan nɔmndo kpow. Kaola caanda maa nɔm pila.»

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Hebreea 10:35

Lelan, la màl laalanndo le, la sɔlanin sala bɛndoo le ndu.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

Condii lisai 43:5

Kɔl nuu, le yɛɛ nɛ n co yɛ fulaa? Le kɔlɔ yɛɛ n co yɛ ŋɔɔcianndo ya nin? Tiindan Hala, kani i sangalanin ndu vɛlɛ le cinda nuu.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.