1Korɛntea 13:12 - BII BILA

¹² Hau, n co dɛnndan cɔu yifidii maa o tofan nin, kɛ o kon kɔɔli, n cannannin kpendekele. Sunsun, ɲɛ-pɔmbɔ ya sínà ni, kɛ telen co hunɔɔ tiiya, mì n sínà kpow mɛɛ nda sínà ya yɛ.

1Korɛntea 13:12 Referans Kwoze

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

Dɛnnda cɔɔmuanndan 22:4

A canin ndu hɔlla, diola ndɔlan la vanin la lasɛvaa nda o n'tendu.

Nsaki 1:23

Kani te vanndo va pɛ sɔɛi yaŋnɔnndo daama, kɛ mò ve ndi biyɔɔ le, ndu co ko maa langbanɔ tofán o tofanndo nin-ndo.

2Korɛntea 5:7

A laalanndo naa n co kelaa ni, o co le ɲɛm naa n co cɔw-von te.

Matie 5:8

Dɛnɛ kɛndɔɔ co le vanaa dendu kɔltan-nda, kani a canin Hala.

1Korɛntea 8:3

Kɛ te vana kaola pɛ Hala, Hala sínà vana kon.

Rɔmnda 8:18

I ce maa vana tuu sangala co naa coo sisa lan a biilu hun fulanin ceen le naa-o le.

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

O Kandɔɔ 32:30

Mí Yakɔb dimul ndu aa: «Yandi, cɔm ya diola nɔmndan.» Mí langbanɔ kon ɲuna ndu aa: «Le yɛɛ n yeema yɛ le diola nilan sinaa?» Mó dɔaw Yakɔb duaa o fonda kon.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Fulaa 33:11

Kpendekele Mɛlɛka ndóò soaa o Moise lo ni mɛɛ vanacieo suukan nda vanacieo nuaa yɛ. Ndáà cii pɛ, Moise ndóò muungu o dɔ́ɔ́ngɔ́ɔ̀ nin. Kɛ vana ndɔ malaa, ó va Yosue po Nun-ndo-o, ndóò faŋan o cɛi-kola-toandaa-labɔɔŋian kon nin te.

Esekiɛl 17:2

«Po vanacieo sei, vion kaamaa, mà dimul cuavaa Israɛlla bundɛi!

SƐBƐ YƆB-O 19:26

Lɔ́ɔ́ yáw nuu cuunin itambu-o, i canin Hala a dialun nun yungɛiyon.

SƐBƐ YƆB-O 36:26

Hala co o bɔɔ, vanacieo nɔla ken bilaa biyɔɔ le, vana nɔla vɔsila ndɔlan sina le.

1Korɛntea 13:11

Lɔ́ɔ́ ya va cuaambɔ-o, i va sɔɛi maa cuaambɔ, i va yiyanndo maa cuaambɔ, i va sɔɔn dimio maa cuaambɔ. Kɛ yáà siŋnɔnndo kaasonɔɔ, mí mal dɛnnda icuaambɔya lan.