1Korɛntea 13:1 - BII BILA

¹ I soo bɛɛ o sɔɔn mangalan vanndacieea a o sɔɔn mɛlɛkaa nin, te kaolaa co ya o kɔl te, mɛɛ i siŋnun maa diom ibamba, te kon te maa diom kɛ́ŋii comulaa.

1Korɛntea 13:1 Referans Kwoze

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

1Korɛntea 13:8

Kaolaa cuu lɔ́ɔ́-lɔ́ɔ̀ le, diom Hala-o tɛɛnguuo co hunɔɔ hiovɔɔ, sɔɔn mangalan co hunɔɔ cuvɔɔ, dɛnɛ sinaa co hunɔɔ hiovɔɔ.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Rɔmnda 14:15

Taa saangiaa pɛ puapilɛ nɔmndo kɔllo le ɲɛdiaa n co dioo-o, mɛɛ a tosa dɛnɛ kaolaa le. Tosa mì ɲɛdiaa nɔmndo yɔŋnun sabu le delɔɔ vana Krista vi le ndu-o le.

Matie 25:45

Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.›

1Korɛntea 12:8

Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

1Korɛntea 12:16

Te nilen le dimi pɛ aa: «O co ya le co hɔlten te. Lelan i co o diallon coo le.» Kon kuuna len vaa falei ipilɛ o diallon nin te.

Condii lisai 150:5

La lisa ndu a kɛ́ŋun cómulan, la lisa ndu a kɛ́ŋun diom bɛndu-bɛndon.

Marke 16:17

Kaamaala tosannin vanaa laalannin-nda o ba lan la co lan ni: A toawnin ɲinaa vɔɔnda o diola nilan, a soaanin sɔɔn mangalan sɛnɛi n celen,

1Korɛntea 12:10

mì Kɔl-Hala pilɛ kon ke vana pum kpaaya le dɛnnda kɔndɔfiltan tosaa, o pum le diom Hala-o tɛɛnguuo, o pum le yiyanndan sinaa. O yɔngun vana pum le sɔɛi o sɔɔn mangalan celen nin, o pum le sɔɔn mangalan mun vannda hivullo.

1Korɛntea 14:2

Kani vana soo pɛ o sɔɔn mangalan celen nin, ndu co isɔɔ o n'vanndaciee lo le, kɛ o Hala lo, bau vana-vana tiwba mò bii ndu bila le, o kɔl nin o co dɛnnda kaamaalan dimio ni.

1Korɛntea 14:4

Vana soo pɛ o sɔɔn mangalan celen nin, ndu pila malan. Kɛ vana tɛɛngu pɛ diom Hala-o, ndu hivi vanaa laalannda laci o laalan ndaa nin.

1Korɛntea 14:5

I yeema mì niaa kpow soo o sɔɔn mangalan celen nin, kɛ o ya hiow yeema-o co ni mì la tɛɛngu diom Hala-o. Kani vana co sɔɔn Halan vannda tɛɛngullo-o hiow vana co sɔɛi o sɔɔn mangalan celen nin-ndo, fɔ dɔ́ɔ́ mò tɛɛsial vannda sɔɔn o co dimio-on, o kon mì vanaa laalannda kpede a sɔla malaa.

Dɛnnda cɔɔmuanndan 14:2

Mí tuɛi diomndo pum o halataala maa diom mɛmma bɛndu, maa piɔndi bɛndu letaŋ. Diom ya va yɛ tueyɔɔ-o, vanáà ca ko bɛɛ aa bangalan vanaa lɔaa labangaa va lɔɔ ni.