Biblia Todo Logo
Bib sou entènèt

- Piblisite -




1Korɛntea 12:8 - BII BILA

8 Vana pum, mì Kɔl-Hala-o ke ndu sɔɔn kɔlkalon dimio, o pilɔɔ sɔɔn dɛnɛ sinaan mɛɛ Kɔl-Diandaa pilɛ kon co yɛ.

Gade chapit la Kopi




1Korɛntea 12:8
30 Referans Kwoze  

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.


Dɛnndan kpow la co niaa o ba, laalanndo, sɔɛi cai, dɛnɛ sinaa, kindinndo a kaola niaa nɔ le naa-o. La hiow vɛlɛ laci a dɛnɛ kɛndɔɔ ho tosaa.


Nduyɛ, la sɔla valtan le tosaa o ndu nin, taama-taama o sɔɛi nin a o sinaa kpow nin.


Pɛɛku ya ɲɛ n yeema mì tosa-o, kani nɔm co Hala nuu ni. Màá yiyan kɛndɛ nɔmndo yɔɔ ya o lɛŋnde tɛlɛlɛ len coo!


Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,


Má tosal nda kɛndɛi, má ke nda kɔlkaloo. Má va nda manne yɔngoo lɔ́ɔ́-lɔ́ɔ̀ le dioo, a mɛnndan le kolɔɔ.


Kaolaa cuu lɔ́ɔ́-lɔ́ɔ̀ le, diom Hala-o tɛɛnguuo co hunɔɔ hiovɔɔ, sɔɔn mangalan co hunɔɔ cuvɔɔ, dɛnɛ sinaa co hunɔɔ hiovɔɔ.


Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.


Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.


Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.


Nduyɛ, o kpeekpeiyo nin, Kɔl co vanacieo nin-ndo, ndu kìndì ndu kɔl ni, mò ke ndu taasio.


mí pei ndu a kɔl Hala-o haliko mo kendu kɔl, mò va vana caa baalaa, mò nɔ dɛnɛ sinaa, mò sina baala labaa taw,


Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.


Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.


Lelan, puapilɛa naa, la hɛli vanpiaandua nda ŋɔmmɛw niaa tɛɛn, a nɔ diola kɛndɛlan, mà pia a Hala Kɔl-Diandaa-a, a nɔ kɔlkaloo-a, mì n yɔngun nda baala kon.


Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.


Kani o niaa tɛɛn, ɔ́ɔ̀ vana sínà yiyannda vanacieo-vo, te o co Kɔl-Diandaa co ndu nin-ndo le? Lende vɛlɛ koni, vana-vana sínà yiyannda Hala lan te, fɔ Kɔl Hala-o.


Kani o co o sɛvaa aa: «Ɔ́ɔ̀ vana sínà yiyannda Mɛlɛka lan-ndo? Ɔ́ɔ̀ vana nɔlà mo cɔm ndu dɛnɛ sinaa-o?» Kɛ naa naa, kɔlkalu Krista-o naa n nɔ ni.


Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?


Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.


Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.


Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.


Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.


N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,


Mì i cee bɛɛ isɔɔ le, kɛ dɛnɛ sinaa co ya lepɛŋ te. N cɔm niaa kon válán o nɛi oo nɛi coo a o dɛnndan kpow nin.


Swiv nou:

Piblisite


Piblisite