1Korɛntea 12:28 - BII BILA

²⁸ Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

1Korɛntea 12:28 Referans Kwoze

1Korɛntea 12:18

Kɛ nduyɛ, Hala kɛsi ifalu oo ifalu o diallon nin mɛɛ hɛnan ndɔɔ co yɛ.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Hebreea 13:24

La yil simlacia niaa a vanaa laalaŋaa tɔ̀a kpow. Vanaa laalannda Itali yil niaa.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Kundalan 11:17

I toalnin ndon mì soo o nɔm ndo, mì cua kɔl ya yɔngu nɔm nin-ndo o tiŋ, mì yɔngu nda ndu, haliko ma mala nɔm sɔɔn vannda ha toosiaa. O kon, vallo ve lɛnin le nɔm pilɛ kínɛí le.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

Luke 6:14

Nda yɔŋnun haa ni: Simɔn, o Yeesu ke diolan aa Piɛr-o, Andre puapilɛ ndɔ, Nsaki, Nsaŋ, Filipe, Bartelemi,

Marke 16:17

Kaamaala tosannin vanaa laalannin-nda o ba lan la co lan ni: A toawnin ɲinaa vɔɔnda o diola nilan, a soaanin sɔɔn mangalan sɛnɛi n celen,

Dɛnnda kiilaa 11:27

O telen kon, mí vanaa-tɛɛngaa-diom Hala-a can Yerusalɛm, má kɔa Antiɔs.

1Korɛntea 12:29

Vɛ̀ɛ̀ nda kpow co kiilaa ni? Vɛ̀ɛ̀ nda kpow co vanaa-tɛɛngaa-diom Hala-a ni? Vɛ̀ɛ̀ nda kpow co vanaa pɛɛkaa ni? Vɛ̀ɛ̀ nda kpow tosa dɛnnda kaamaalan ni?

1Korɛntea 12:30

Vɛ̀ɛ̀ nda kpow nɔ ke singiaa n'vanndo ni? Vɛ̀ɛ̀ nda kpow sɔaa o sɔɔn mangalan celen nin ni? Vɛ̀ɛ̀ nda kpow tɛɛsiaa diomndan ni?

1Korɛntea 14:2

Kani vana soo pɛ o sɔɔn mangalan celen nin, ndu co isɔɔ o n'vanndaciee lo le, kɛ o Hala lo, bau vana-vana tiwba mò bii ndu bila le, o kɔl nin o co dɛnnda kaamaalan dimio ni.

1Korɛntea 14:4

Vana soo pɛ o sɔɔn mangalan celen nin, ndu pila malan. Kɛ vana tɛɛngu pɛ diom Hala-o, ndu hivi vanaa laalannda laci o laalan ndaa nin.

1Korɛntea 14:5

I yeema mì niaa kpow soo o sɔɔn mangalan celen nin, kɛ o ya hiow yeema-o co ni mì la tɛɛngu diom Hala-o. Kani vana co sɔɔn Halan vannda tɛɛngullo-o hiow vana co sɔɛi o sɔɔn mangalan celen nin-ndo, fɔ dɔ́ɔ́ mò tɛɛsial vannda sɔɔn o co dimio-on, o kon mì vanaa laalannda kpede a sɔla malaa.