1Korɛntea 11:5 - BII BILA

⁵ Kɛ nduyɛ, vanalanɔ oo vanalanɔ va pɛ Hala piɛiyo, te kon te mò va diom Hala-o tɛɛnguuo bolle fondo, mɛɛ ndu tɛɛmbuu vana co ndu bollen-ndo labɛɛ. Bau, o co ko kpen a sendin ndóò sendin nin-ndo.

1Korɛntea 11:5 Referans Kwoze

Tɔŋ miingua 21:12

o bɛnda mò kɔɛ a ndu o ndu lo cɛinin. A tiiya pɛ lon, vanalanɔ kon sendi bolle ndɔlen, o kɛɛya yɛmbɛn ndɔn,

Luke 2:36

Vanalanɔ-tɛɛngaa-diom Hala-o pum va lon, diolan Anɛɛ, cua Panuɛl-lo, fulaa o polale Asɛr len nin. Anɛɛ ndóò yuuva nin taw. Mɛɛ o cal o nɔu o felengiyɛi nin, vɔsilan tan ŋɔmmɛw o kon kɔɔli,

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

1Korɛntea 14:34

o bɛnda mì vanlaandua mei o cuungiannda lekaanndan, kani a nɔ dí ma soo lon te. O bɛnda mà tuisin tootoo mɛɛ tɔŋ Hala-o bɛɛ dimi yɛ.

Dɛnnda kiilaa 21:9

Ndóò nɔ cuavaa felengia nda hiɔɔlu, aa sina vɔ dɛnɛ vanapɔnɔ le-a, a va diom Hala-o tɛɛnguuo.

Esai 47:2

La cua cieon a sunndan mì la cu kpeyanndo, mì la faŋan kolala vaan-vaanndan o hɔl, la heelu bɔɔla domala niaala bɛndulan, la kpeeŋa kolalan o lɔlula niaalan coo le peelan taŋɔɔ!

1Korɛntea 11:4

Vanapɔnɔ oo vanapɔnɔ piɛi pɛ Hala, te kon te mò va diom Hala-o tɛɛnguuo a ɲɛ pum o lebol, mɛɛ o cii vana co ndu bollen-ndo bɛ̀ɛ̀lan tɛɛmbuu.

1Korɛntea 11:6

Kani te vanalanɔɔ kumbu bollen te, mɛɛ o kilin yiinde. Kɛ nduyɛ, te o co pɛ dɛnɛ lasiɛmboo le vanalanɔɔ yiinde kilio te kon te sendio, mɛɛ o kumbu bollen.