1Korɛntea 11:32 - BII BILA

³² Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

1Korɛntea 11:32 Referans Kwoze

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Condii lisai 118:18

O tuisi ya sangaa coo, kɛ o mel-la piɔ́mndo o ba le.

Tɔŋ miingua 8:5

Lelan, la yiyan o sɔɔn mun coo, la bìí bila maa Mɛlɛka Hala niaa co niaa pɛɛkoo mɛɛ fuɲaa pɛɛku hɔ́ɔ́ ndɔɔ nuaa yɛ.

1Korɛntea 11:30

Le hee vanaa bɔɔ-bɔɔ co a nààlan niaa tɛɛn ni, a pum a co namtaa, a pum a vi.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Sofoni 3:2

O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

2Samiɛl 7:14

Ya pila vanin fuɲa ndɔ ni, mì ndu va po nuu. Te o hun pɔw pɛ, i bandìlanin ndu mɛɛ vanndacieea bandìla vana nuaa yɛ. Te o tɛɛmbuu pɛ, i koŋ ndu mɛɛ vanndacieea koaŋ vana nuaa yɛ.

Rɔmnda 5:16

Ke Hala kon yɛ, kɔmnde ndɔlen le co maa kɔmnde haki vanacieo ndu pilɛ tosa-o le. Kani vana pilɛ kpé tosa hakio ni, Adam pɛɛn, mí vanndacieea kpow a sɔla yaalaa. Kɛ o tɛɛmbuulan taw kɔɔli, mí kɛndɛi Hala-e ke vanndacieea kpow dio.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Korɛntea 11:31

Kɛ te naa pila n yaasiaa pɛ kɔlta naalan, a kilunin naa iyama le.

1Korɛntea 11:33

Lelan puapilɛa nia, la bɔɔŋian pɛ le dioo, la cuman vellaa-velle.

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.