1Korɛntea 11:26 - BII BILA

²⁶ Kani telen oo telen niaa va pɛ buloo ho dio mì la va kolɔɔ o taala kólaa ho nin, mɛɛ piɔ́m Maalii-o niaa co cɔm kon ni háá mo hin.

1Korɛntea 11:26 Referans Kwoze

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Nsaŋ 14:3

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

Dɛnnda kiilaa 1:11

má dimul nda aa: «Niaa Kalilea ha, le yɛɛ nɛ niaa co yɛ tofaa o halataala? Yeesu faŋan hoo niaa ikɛi, mó hel o halataala-o hunnin vɛlɛ mɛɛ niaa ce ndu kɔlan o halataala nuaa yɛ.»

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Nsaŋ 21:22

Mí Yeesu mulul ndu aa: «Te i yeema pɛ mò lo yoomu háá mi hin, mò va maa mako nɔm co kon ni? Nɔm hun ya kɔɔli tuŋ!»

Dɛnnda cɔɔmuanndan 22:20

Vana cɔm maa toɲaa sɔɔn mun co ni-o dimi aa: «A toɲa, i co hunɔɔ sunsun!» Amiina! Hun, Maalii Yeesu!

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

1Korɛntea 15:23

Kɛ vannda a pilɛn-pilɛnnda a hunnin o polalen. Krista co vana tasoo ni. O ndu kɔɔli, vanaa vanin a ndɔa lɔ́ɔ́ o hunnin-ndo-a.

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Nsaŋ 21:23

O kon kɔɔli, mí sɔɛi ken tiw vanaa laalannda tɛɛn maa kaandennɔ kon ndu vinin te. Nduyɛ Yeesu ndóò dimul ndu maa o vinin te le, kɛ nuaa ndóò dimul ndu ni aa: «Te i yeema pɛ mò lo yoomu háá mi hin, mò va maa mako nɔm co kon ni?»