1Korɛntea 11:20 - BII BILA

²⁰ Te la cuungian pɛ, vɛ̀ɛ̀ o co ɲɛdiaa Maalii-o le niaa dia dio kon te?

1Korɛntea 11:20 Referans Kwoze

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

1Korɛntea 11:21

Kani telen diaa tiiya pɛ, vana-vana de ɲɛdiaa ndɔɔ a kiltan. O kon, a pum lò a yiaan, mì mɔiyan ma bii a pilla.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Sakari 7:6

Te la de pɛ ɲɛdiaa mí la kol, o co le niaa pila le niaa de mí la kol te?

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

1Korɛntea 11:17

Sɔɔn ya co mun niaa dimullo-on, o co le niaa candɔɔ le. Kani bɔɔŋiannda niaalan, dɛnɛ vɔɔndo la hiaw niaa cuu a dɛnɛ kɛndɔɔ.

Hebreea 10:25

N málnùn cuungiannda naalan mɛɛ vannda pum tosa yɛ le. Kɛ n hiownun laci a siilianndo vellaa-velle mɛɛ niaa co cɔu paale Maalii len sɔɔnguuo yɛ.

2Piɛr 2:13

Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.