1Korɛntea 11:16 - BII BILA

¹⁶ Te vana pum yeema yɛ pɛ mò sɛɛngiaa, mɛɛ mò sínà maa naamu vaa lende co naa tɛɛn te, vanaa laalan Hala kpow-va bɛɛ nɔ naamu vaa lende le.

1Korɛntea 11:16 Referans Kwoze

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

Dɛnnda kiilaa 21:24

Kɔ niaa ndaa, mì la tosà faleŋun dindianndon, mà sala ɲɛ nda nɔ le salaa-o, haliko ma sendi niaa. O kon, vannda kpow a sinanin maa o co sɔɔn toɲa le nda dimi a nɔm o kɔɔ le, kɛ mà sinà maa nɔm bɛɛ, o tɔŋ Moise-o coo n co kelaa ni.

Dɛnnda kiilaa 21:21

Nduyɛ, vannda dimul nda maa nɔm co Yuifia co vanaa celen tɛɛn-nda pɛɛkoo maa a mulul tɔŋ Moise-o kɔɔ, maa nɔm dimul nda vɛlɛ aa a díì cuavaa ndaa tooma le, maa a kelà vɛlɛ o naamula Yuifia coo le.

1Korɛntea 16:1

Le mala co biinɔnndo le vanaa diandaa-o yɛ, la tosa mɛɛ ya dimul vanaa laalannda Kalasi yɛ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

1Korɛntea 9:6

Te o co kon te, vɛ̀ɛ̀ naa Barnabas koni bɛnda mì n tosa vallo le baloo dɔwnɔnndo ni?

1Korɛntea 11:15

Kɛ o co dɛnɛ lebɛɛ mì vanalanɔɔ ndu bɛndi yiinde. Kani yiiŋii vilɛiye i yɔngun ndu le bollen kumbɔɔ.

Yeremi 32:11

O kon kɔɔli, mí cua niko sɛbɛla leseila lan o pilɛ, o yáà handu pondale nilen lecoo-o, a o va o kumbia-o mɛɛ tɔŋndo dimi yɛ,