1Korɛntea 10:33 - BII BILA

³³ La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Korɛntea 10:33 Referans Kwoze

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

1Korɛntea 10:24

Vana-vana nuwviaa dɛnɛ kɛndɔɔ le ndu pila daama le, kɛ o nuwviaa dɛnɛ kɛndɛ caanda.

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

1Korɛntea 13:5

o tosa dɛnnda lasiɛmbu lan te, o toofia tɔnɔ ndɔ ndu pila le, o fula kɔl te, o tuunun dɛnɛ vɔɔn o kɔl te,

2Korɛntea 12:14

I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.