1Korɛntea 10:32 - BII BILA

³² La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

1Korɛntea 10:32 Referans Kwoze

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

2Korɛntea 6:3

N yeema mì vali naa tambu labɛɛ le, lelan, ɲɛ-ɲɛ tosa mò luei vanndo o pɔwlan nin, n tosan kon te.

1Korɛntea 8:13

Lelan, te ɲɛdiaa co tosa ni mì puapilɛ nuu luɛi o pɔwlan nin, mɛɛ i di lɛ ɲɛ kon te, yɔŋii puapilɛ ni kon del.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

1Korɛntea 11:22

Vɛ̀ɛ̀ vana-vana nɔ cɛi ndɔ le dioo a kolɔɔ lon te? Te kon te vɛ̀ɛ̀ vanaa laalan Hala-a niaa yeema bɛ̀ɛ̀lan tɛɛmbuuo mì la tuisi vanaa nɔ ɲɛ-ɲɛ le-a siɛmbulan ni? Yɛɛ ya dimul-lɛ niaa vɛlɛ? Vɛ̀ɛ̀ i candu niaa lelan? Kɛì-kɛì bɛɛ! I cendù niaa le.

1Timote 3:5

Kani te vanndo cee yungule ndɔlen biyɔɔ le, vɛ̀ɛ̀ o tiw yɛnin ba mo caa vanaa Hala-a biyɔɔ?

Filipea 1:10

haliko mi la nɔla dɛnnda sɔvɛlan sinaa, mì la va a diandaa a vanaa yaalan te-a haa o hunɔɔ Krista-o.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

Kalatea 1:13

Kani la tuei tɔ́ɔ́ la ɲɛ ya tosa lɔ́ɔ́ kon-ndo, telen ya va o kaannde Yuifia-o: i va vanaa Hala-a yɛlen tollo a labɛɛla kpeekpei, mí va kindinndo le nda puusiaa.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

Ruti 3:14

Mí Ruti lo ihini Boas o pelon bɛngu. Ɲɔɔ va vɔ mɔmìì, vanáà sina vɔ vana le, mí ndu Ruti fula. Kani Boas ndóò yeema mì vana ndóò sina maa cua kon ndóò kɔɛ o kpele lɔaa n'mal kon nin te.