1Korɛntea 10:28 - BII BILA

²⁸ Kɛ te vanndo dimul niaa pɛ maa ɲɛm sálàn co mun ni, la dia lɛ ɲɛm mun te, le vana dimul niaa kon-ndo, yɔŋii kon pala vɛlɛ kɔlta niaalan.

1Korɛntea 10:28 Referans Kwoze

1Korɛntea 10:26

kani lɛŋnden a ɲɛm co lenin-ndon kpede, Hala nɔ ni.

1Korɛntea 8:7

Kɛ o co nda kpow le a sínà toɲa kon te. A pum a hiw dɛlio a piɔmnda. Háá sunsun, a co vɔ visin nda co piɔmnda sálàlan solullo-on dioo, vana ca ko bɛɛ aa le piɔmnda nda co ni. A nɔ mayoomu o yiyannda ndalan nin te, lelan nda nɔɔlian o dɛnnda lan nin ni.

Rɔmnda 14:15

Taa saangiaa pɛ puapilɛ nɔmndo kɔllo le ɲɛdiaa n co dioo-o, mɛɛ a tosa dɛnɛ kaolaa le. Tosa mì ɲɛdiaa nɔmndo yɔŋnun sabu le delɔɔ vana Krista vi le ndu-o le.

Condii lisai 115:16

Mɛlɛka nɔ halataalaa ni, mó ke vanndacieea lɛŋnden.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Tɔŋ miingua 10:14

La tofa vɔ, Mɛlɛka Hala niaa nɔ halataala, halataala co lenin di-di-o, lɛŋnden a ɲɛm co o lɛŋnden coo-on kpow ni.

Fulaa 9:29

Mí Moise mulul ndu aa: «Te i faŋan dɔ́ɔ́ ciee nanu pɛ, i heelu balan o Mɛlɛka lo le ndu tɛɛlɔnndo. O kon, taŋndan ma pɛngi deŋio, loeon bɛɛ n pɛngi delio, haliko ma sina maa Mɛlɛka nɔ lɛŋnden ni.

1Korɛntea 8:9

Kɛ nduyɛ, la caa taw, yɔŋii hɔ́ɔ́yɛi niɛi niaa co dɛnndan tosaa-e i luei vanaa nɔ mayoomu o laalanndo nin te-a o pɔwlan nin.