1Korɛntea 10:22 - BII BILA

²² Vɛ̀ɛ̀ n yeema mì n kpeeŋiaa paŋala Mɛlɛka-o? Vɛ̀ɛ̀ naa hiow ndu kpaayaa ni?

1Korɛntea 10:22 Referans Kwoze

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Tɔŋ miingua 32:16

Israɛlla tindi paŋala Mɛlɛka-o o halaa fondoa sooloo nin, má tuulu ndu kɔllo a dɛnnda ndala nɔɔlɛilan.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

Esekiɛl 22:14

Vɛ̀ɛ̀ kɔl nɔmndo simnin pá yili? Bala nɔmndan la nɔnin pá yoomuan o palɛi ya tisanin nɔm coo le nɔm saangiaa-e nin? Ya Mɛlɛka soo lende ni, nduyɛ i tosanin mɛɛ ya dimi yɛ.

Vana Kɔlkaloo 6:10

Ɲɛ-ɲɛ co hoo o ceendo coo, vannda ndáà sina nin ndu paandu. Vana sina vɛlɛ ɲɛ co vanacieo-vo. O cɛl le sɛɛngianndo nda vana hiow ndu-o le.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Esai 45:9

Dɛnɛ palaa co le vana-vana sɛɛngiaa vana cɔw ndu-o! Nɔm, a co macoaa maa kpɛɛnɛi puuluei o kpɛɛnɛn puulon taw tɛɛn! Puulu cɔavaa n'kpɛnɔɔ nɔla pá mò dimul vana co ndu cɔvɔɔ-o aa: «Yɛɛ nɛ n co yɛ hoo tosaa?» Vɛ̀ɛ̀ ɲɛ o cɔw-vo nɔla mò dimul ndu aa o nɔla baala le?

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

SƐBƐ YƆB-O 9:4

Hala nɔ kɔlkaloo, kpaaya ndɔɔ co o bɔɔ, nɛ̀ɛ́-nɛ̀ nɔla yɛ mò heelun ndu sondo vana kon kondu dɛnɛ le?

Yosue 24:19

O kon kɔɔli, mí Yosue mulul nda aa: «La nɔlanin Mɛlɛka baalaa tosal te, kani Hala diandaa o co ni, Hala paŋalaa o co ni, o melnin nila kalula niaalan a hakila niaalan haki le.

Tɔŋ miingua 6:15

Kani Mɛlɛka Hala niaa co niaa tɛɛn-ndo, Hala paŋalaa o co ni, yɔŋii kɔl ndɔ tuwvo tol niaa coo mò cii niaa diw o lɛŋnden coo.

Tɔŋ miingua 4:24

Kani maa yinnde loam-nden Mɛlɛka Hala niaa co ni. Hala paŋalaa o co ni.

Fulaa 34:14

La bàŋ vulan ɲɛ biilaa celen o labɛngunin te, kani ya Mɛlɛka, diola nilan la co ni aa ‹Vana paŋalaa›. Hala paŋalaa ya co ni.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

1Masaa 14:22

Vanaa fula o polale Yuda len nin-nda ndáà tosaa ɲɛ hɛnan Mɛlɛka loo, má tɛɛmbuu Mɛlɛka kɔllo a hakila ndalan hiovɔɔ o la fuɲaa ndaa mamaa va tosaa lan coo.

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?