1Korɛntea 10:17 - BII BILA

¹⁷ Le mɛɛ buloo co ndu pilɛ yɛ, n va bɛɛ sɛ́lɛ́, dialii pilɛi kpé naa n co ni, kani bulu pilɔɔ kpé naa n co dioo ni.

1Korɛntea 10:17 Referans Kwoze

Rɔmnda 12:5

lende naa n co sɛ́lɛ́ ni, kɛ falei ndii pilɛ kpé naa n co o Krista nin ni. Falon naa n co n'yiinanndon vellaa-velle ni, vana-vana o fonda ndɔ.

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

1Korɛntea 12:27

Niaa yɛ, kɔɔle Krista len niaa co ni, niaa a pilɛn-pilɛnnda kpow, dialun ndɔn niaa co ni.

1Korɛntea 12:12

Nduyɛ, kɔɔle vanacieo len pilɛ le co ni, kɛ falon taw le nɔ ni. Falon n va bɛɛ sɛ́lɛ́ lende o kɔɔle len nin, kɔɔlen nden pilɛ kpé le co ni, lende koni Krista co ni.

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

Kolɔsea 2:19

A lo a yiinan a Krista le, o co bollen-ndo. Nduyɛ, ndu Krista kon kpeekpei co tosaa ni mì kɔɔle tɔ̀len kpow le va baloo sɔlaa, mì le va le yiw-yiwaalen o boondon, mì la va hindɔɔ mɛɛ Hala yeema yɛ.

1Korɛntea 10:21

La nɔla mì la va kolɔɔ o taala kólaa Maalii-o nin a o taala kólaa ɲinaa vɔɔnda nin te. La nɔ́là vɛlɛ mì la va ɲɛdiaa Maalii-o dioo mì la va vɛlɛ ɲɛdiaa ɲinaa vɔɔnda dioo le.