1Korɛntea 10:14 - BII BILA

¹⁴ Lelan, puapilɛa nia hɛnan ya taw-va, la sooluu piɔmnda le.

1Korɛntea 10:14 Referans Kwoze

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Nsaŋ 5:21

Cuavaa nia, la mandan a piɔmnda.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

1Korɛntea 10:7

La siŋnun vanaa soolaa n'piɔmnda maa a pum o nda tɛɛn te, maa mɛɛ sɛbɛ Hala-o dimi yɛ aa: «Vannda cal le dioo a kolɔɔ, o kon kɔɔli má can pisulta bɛɛ tambɛilan.»

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

Filemɔn 1:1

Ya Pol, ya co hoo o kaasoo le Krista-o, a Timote puapilɛ naa, n co sɛbɔɔ ho sɛva ni. Le nɔm Filemɔn caan naa hɛnan naa taw-vo, ò naa n co baala pilɔɔ tosaa naa ndaa-o,

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

1Korɛntea 10:15

Maa mɛɛ ya sɔaa o vanaa kɔlkalua lo yɛ ya co niaa diomndan ndan dimullo ni, niaa pila kiolu sɔɔn ya co dimio-on iyama.

1Korɛntea 10:19

Kɛ nduyɛ, te i va pɛ hee dimio, baa dimio co kon ni maa visin vannda co Mɛlɛka sálàlan solullo-on co ɲɛ? Te kon te maa ɲɛ pum piɔmndo co ni?

Hebreea 6:9

Kɛ nduyɛ puapilɛa nia, n co bɛɛ dimio lende, kɛ n laalan maa la co o nɛi kɛndɔɔ coo, nɛi cindaa pɛɛn.