1Korɛntea 10:13 - BII BILA

¹³ Tɔɔndan oo tɔɔndan co niaa komallo, tɔɔndannda ivanacieeya lan daama la co ni. Kɛ vana lo o lediom coo-o Hala co ni, nduyɛ o cɛlnin mì tɔɔndanndo hiow niaa mayoomu le. Kɛ te tɔɔnndanndo komal niaa pɛ, o yɔngunin niaa fɛlɔɔ mì la tiwba ndu biuvɔnndo, o kon mì la fulan lenin.

1Korɛntea 10:13 Referans Kwoze

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

Hebreea 12:4

Kani la simul-lɔ hakio háá piɔ́mndo le.

1Tesalonikea 5:24

Vana veelu niaa-o tosanin kon, kani vana lo o lediom coo-o o co ni.

Luke 22:46

Mó ɲuna nda aa: «Le yɛɛ niaa co yɛ lɔan? La tiondu mì la piɛi, yɔŋii niaa del o tɔɔndanndo nin.»

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Cɛɛŋɔnnda Yeremi lan 3:23

Idii oo idii, vanakɛndɛyɛi ndɔɛi a ɲíí ndɔɛi muungu n'sɛnɛi. Mɛlɛka, Vana lo o diomden coo-o kpeekpeiyo n co ni.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

1Piɛr 4:19

Lelan, vanaa co sangaa sɔlaa o hɛnan Hala-o tosaa-a nin-nda nda mɛi kɔlta ndalan vana cɔw ɲɔɔn-ndo o ba, o faŋan o diomnde ndɔlen coo loo, mà hiow laci a dɛnɛ kɛndɔɔ tosaa.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

1Korɛntea 1:9

Vana lo o lediom coo-o Hala co ni, o veelu niaa, haliko mi la va diom pilɛ a Po ndɔɔ Yeesu Krista Maalii naa-o.

Hebreea 11:11

Le laalan Abraham ndóò laalan Hala-o o sɔla kpaayaa le hɔ́ɔ́ violɔɔ ni. O va nin bɛɛ o yuuvɛiyo taw-taw. Sara laa ndɔ ve vɛlɛ vana vialaa le, kɛ ndóò laalan maa vana lo o lediom coo-o Hala co ni.

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

Luke 11:4

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Condii lisai 125:3

Masa kɔlvesɛiyo tosanin masalen vanaa sandaa coo le, yɔŋii nda bɛɛ tɔɔndan le yɔŋ vɔɔndo tosaa.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Condii lisai 124:7

Kɛ mí n hialun mɛɛ yowvo hialun o yala vana biyaa n'yowvo nuaa yɛ. Yalaa timbinndo, mí n poondan.

Esai 11:5

Dɛnɛ sandaa vanin yáwle ndɔle sayiannden ni, toɲaa vanin yáwle ndɔle kandan o caŋ-nden ni.

Condii lisai 89:33

i lɔaanin nda a sionnden le hakila ndalan, mì soŋ nda le pɔwla ndalan.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Osee 2:20

Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.

Esai 25:1

Àá Mɛlɛka, nɔm co Hala nuu ni! I sangalanin nɔm, i lisanin diola nɔmndan. Kani a tosa dɛnnda kɔndɔfiltan, dɛnnda kɔndɔfilta n tuu le tosaa kabi sindɛ lan, a lo o lediom coo ma peelu lan sakpo.

Luke 16:26

Handɔɔ o kon coo, ból yingilɛi nɔ lamɛɛlu loo co naa tɛɛn naa niaa, vana yeema bɛɛ le cɔnɔnndo nanu le kɔlan nɛɛ niaa co-a, vana tiwba le, vana tiw vɛlɛ ba ndu taŋɔɔ le hunɔɔ nɛɛ naa n co nanu-a le.›

Yeremi 12:5

Mí Mɛlɛka ɲuna aa: «Taa bumba pɛ vanaa co kiltan a n'pelua bendallo, vɛ̀ɛ́ n ɲaanun yɛnin soa kɔɔli? Te o va pɛ aa nɛɛ kɔlɲuloo co-a daama n va a kɔlkɛsiaa ni, vɛ̀ɛ́ n yɔŋ yɛnin telen n vanin o bɔɔlan bɛngu o peo Yurdɛn kɔngɔ-o?

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Dɛnnda kiilaa 27:44

mì a tɔ̀a nda kɔɛ nda kɔɔli o pɛngɔn coo, te kon te o yɔmii tɔ̀ɛi dɛ̀ndɛ̀ tambu-o coo. O kon mí nda kpow a fula o kɔngɔ, ɲɛ-ɲɛ yɔŋnun nda le.

Condii lisai 36:5

O kpele ndɔɔ coo o tuu tuula vɔɔnndan icɔl ni, o cɛl le faŋanndo o nɛila vɔɔnndan coo le. O mel yɔŋ vɔɔndo le.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

1Samiɛl 29:10

Lelan siɔdii púŋ, ɲɔɔ tenga dɔ́ɔ́ pɛ, la cɛn, la kɔɛnnun niaa langbaa vana nɔm bɛndoo, a liila nɔm-nda pɛɛn.»