1Korɛntea 10:11 - BII BILA

¹¹ Dɛnnda lan la yɔŋnun nda haliko mi la va tɔɔmaseloo le naa. La sɛvan le naa vanaa tɔ̀a kanalanndo, kani telen naa n co hoo-o, o lo nin kpɛɛlun mì ceendo cuu.

1Korɛntea 10:11 Referans Kwoze

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Rɔmnda 13:11

La cua sɔɛi he bala tiɔn mì la sina maa telen naa n co hoo-o, telen niaa bɛnda le tiondɔɔ o lɔan-ndo tiiya, kani sunsun cindaa sɔɔnguu niaa macɛlu hiovɔɔ telen naa n laalan-ndo.

1Nsaŋ 2:18

Niaa cuaambɔa hɛnan ya-a, telen mɛɛlaa naa n co nuaa ni, maa mɛɛ niaa tuei maa yaamɔɔ Krista-o co hunɔɔ yɛ, la sínà maa yaamɔaa Krista-a co nin sɛ́lɛ́, ken cɔm naa ni maa telen mɛɛlaa tiiya.

1Korɛntea 9:10

Vɛ̀ɛ̀ o co a naa o kɔɔ le o dimi sɔɛi ken te? A toɲa, a naa o kɔɔ o sɛva sɔɛi ken ni. Vana co vaa-o nda vana co ɲɛ kownunndo nɛwvo-o bɛnda mà tosa vallo o kɔlkɛsiaa nin maa a co hunɔɔ ɲɛ pum sɔla o vali ndaa nin.

Filipea 4:5

Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.

Rɔmnda 4:23

Kɛ o co le ndu pilɛ kínɛí le o sɛvan te aa: «Mí Hala ca ndu vana sandaa»,

Hebreea 10:25

N málnùn cuungiannda naalan mɛɛ vannda pum tosa yɛ le. Kɛ n hiownun laci a siilianndo vellaa-velle mɛɛ niaa co cɔu paale Maalii len sɔɔnguuo yɛ.

Hebreea 10:37

Kani nanu a telen bingi, o le cobe, mì vana bɛnda le hunɔɔ-o hin, o tamalanin bɛɛ le.

1Korɛntea 7:29

Puapilɛa nia, ɲɛ ya yeema mì dimul niaa-o co hoo ni, kani telenndo cuu nin tiiya. Kandɔɔ sunsun, vanaa nɔ laandua-a siŋnun maa a nɔ n'laandu le,

Condii lisai 102:18

O tuɛinin piɛile vanaa ikɔɔa, o kɛɛnin o nda co ndu ɲunaa-o le.

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Matie 13:39

Yaamɔɔ saŋ ndu-o, ndu co masa ɲinaa vɔɔnda ni. Telen kovɔɔ, ndu co mɛɛlula ceendo ni. Vanaa koavaa, nda co mɛlɛkaa ni.

Matie 13:40

Nduyɛ, mɛɛ vana suingi bil vɔɔndo le ndu malɔɔ o yin nuaa yɛ, lende koni mɛɛlula ceendo la vanin ni.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

1Korɛntea 10:6

Sɔɔn mun yɔŋnun tɔɔmaselelan le naa silaa, yɔŋii naa bɛɛ n sɔla yeemɛi o lakɔl le dɛnnda vɔɔnndan tosaa maa nda.

Kalatea 4:24

Sɔɛi ken i nɔ vɛlɛ kɔlɔ celen: laandua ŋiɔŋaa kan, nda co kpemala tiɔnndan ni. O pilɛ, o fula o pembei Sinai-yo, ndu le cɛlen o vialu ni: Akar co kon ni.

O Kandɔɔ 19:35

Icɔl kon vɛlɛ, má koesi fuɲa nda mɔiyan. Mí cua ndɔ diinndɔɔ kɔ hinin ndu kɔɔli, mó va a ndu. Kɛ fuɲa ndɔ sina telen o hun hini-o le, o sina vɛlɛ telen o cɛn-ndo le.