1Korɛntea 1:7 - BII BILA

⁷ Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

1Korɛntea 1:7 Referans Kwoze

Filipea 3:20

Le naa, ceen naa bɛndoo co o halataala. Lon Yeesu Krista naa n co cumndo-o fulanin ni, Vana Ciindiaa naa a Maalii naa.

2Piɛr 3:12

La va o cumndo nin, mì la tosa mì paale Hala le len le keleŋa tiiya, paale halataalaa tambunin o yinnden nin, mì ɲɛm co lon-ndon tenga o yinnde biyaalen nin-nden.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Rɔmnda 8:19

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

Luke 17:30

Lende koni ɲɔɔ yɔŋnunnin paale Po vanacieo cɔmnunnin-nden ni.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Luke 12:36

La va maa vanaa baalaa co vana nda bɛndoo cumndo-a, haliko telen o hunnin fulaa o kafo lanɔ sɛnɛiyo, mò lɔɔ dioo-o, a kumbil ndu fɔ́ɔ́fɔ̀,.

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

O Kandɔɔ 49:18

Éé Mɛlɛka! Nɔm ya tiindan ni. Baŋa ya yandi.

2Korɛntea 12:13

Vɛ̀ɛ̀ kundala vanaa laalaŋaa tɔ̀a hiow yɛ tɔnɔɔ sɔla a niaa? Mɛɛ le kɛɛ ya kɛɛ siŋnɔn volɔɔ le niaa-o dɛ? Te lende yɛ ni, mɛɛ la mal-la haki le dɛnɛ sandaa lepɛŋ kon!

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.