1Korɛntea 1:27 - BII BILA

²⁷ Kɛ mí Hala hɛli ɲɛm ceendo co cɔu maa idiɔmndon, mó dɔaw vanaa kɔlkalua kɔndɔfili a mun. Mó hɛli ɲɛm ceendo co cɔu maa n nɔ kpaaya loon, mó dɔaw vanaa kpaayaa kɔndɔfili a mun.

1Korɛntea 1:27 Referans Kwoze

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

Condii lisai 8:2

Éé Mɛlɛka! Maalii naa! Diola nɔmndan la co labɔɔ o lɛŋnden kpow coo! Bɔɔbɔɔyɛi nɔmnde hiow halataalaa helɔɔ.

Esai 29:14

Lelan, i soaŋnin vɛlɛ nda a kaamaalan, a dɛnnda kɔndɔfiltan. Kɔlkalu vanaa kɔlkalua ndaa tambunin mì dɛnɛ sinaa vanaa dɛnɛ sinaa ndaa ɲum.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

Matie 21:16

Má dimul ndu aa: «Vɛ̀ɛ̀ a co pá ɲɛ nda co dimio-o tueyɔɔ?» Mí Yeesu dimul nda aa: «Oi. Vɛ̀ɛ̀ kabi bɛɛ la dimi vɔ o co o sɛvaa-o le aa: ‹A toosiaa lisa nɔmndo cuaambɔa pɔmbɔa a á sondola cɛlɛkpɛa co vɔɛiyo-a o lasondo?›»

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Dɛnnda kiilaa 7:35

Moise Israɛlla ndáà kɛɛ kon má dimi aa: ‹Nɛ̀ɛ́ siinguu yɛ nɔm simlacinɔɔ a vana kialaa n'yamaa naa coo-o?›, o ndu lo Hala vem mɛlɛkanɔɔ le ndu dimullo mo va simlacinɔ naa a vana baŋaa naa ni, ndu Moise mɛlɛkanɔɔ cɔɔmun kon o bɔɔ nin-ndo pɛɛn.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Korɛntea 2:12

Nduyɛ, naa naa, o co kɔl ceendo ho le naa n sɔla le, kɛ Kɔl fula Hala o ba-o, haliko mi n sínà ɲɛ Hala ke naa fondo fúú-o.

Kundalan 22:30

Mí sofɛlɔɔ mingi sondo aa: «O co sofɛlɛ nɔm n kela coo lɔ́ɔ́-lɔ́ɔ̀-o le ya co le? Vɛ̀ɛ̀ nuaa ya dema nɔm paandu tosal ni?» Mí Balaam muli aa: «Ɛ-ɛ.»