1Korɛntea 1:26 - BII BILA

²⁶ Puapilɛa nia, la tofa vɔ mɛɛ niaa sɔla veeloo yɛ: vanaa kɔlkalua bɔɔ-bɔɔ co niaa tɛɛn o falon nin te, vanaa kpaayaa co a bɔɔ le, vanaa ɲɛ-sɔlaa co vɛlɛ sɛ́lɛ́ le.

1Korɛntea 1:26 Referans Kwoze

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Luke 1:3

Lelan, ya vɛlɛ bɛɛ, kabi o kandɔɔ, mí yaasiaa ɲɛ-ɲɛ yɔŋnun ɲɛkɛndɛi, mí ca maa o naŋ mì sɛval nɔm ndan o polalen, nɔm Teofil vana bɛndoo pɛɛn,

1Korɛntea 2:13

Naa yɛ, o co a kɔlkalu vanndacieea pɛɛku naa-o le naa n co sɔɔn mun dimio le, kɛ a kɔlkalu Hala Kɔl-Diandaa pɛɛku naa-o. Nduyɛ, vanaa nɔ Kɔl-Diandaa-a naa n co sɔɔn toɲan Kɔl-Diandan tɛɛsiallo ni.

2Nsaŋ 1:1

Ya bɛndu kalaa, i co sɛbɔɔ ho sɛvaa le Vanalanɔ Hala hɛli-o nda cuavaa ndɔa ya kaola o toɲaa nin-nda, o co ko ya le kaola nda le, kɛ vanaa-vanaa sínà toɲaa.

Filipea 4:22

Vanaa laalaŋaa naa n co nanun-nda yil niaa, taama-taama a co baalaa o masaa Sesar lo cɛinin-nda.

Dɛnnda kiilaa 17:34

Kɛ mí vanaa pum o nda tɛɛn a del ndu kɔɔli, má laalan ndu, nda yɔŋnun haa ni: Denis, ó va o kunda vanaa kialaa n'yamaa kobia nin-ndo, a cuaa pum diolan aa Damaris, handɔɔ vanaa celen lecoo.

Dɛnnda kiilaa 13:12

Masa-ibungaa cɔu dɛnɛ kon, mó laalan, mí pɛɛkula o sɔla a Mɛlɛka o kɔɔ lan la pilan ndu kɔllo.

Dɛnnda kiilaa 13:7

Ndu va Sɛrsius Polus masa-ibunga ndóò kendu kɔl taw-vo ikɛi ni. Mí Sɛrsius Polus kon viam vannda, má veelu Barnabas nda Sol, kani ndóò yeema mì ndóò tuei sɔɛi Hala-e.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

SƐBƐ YƆB-O 37:24

Lelan, vanndacieea bɛnda mà nɔ siòòŋii ndɔɛi. Kɛ o nɔ vanaa cennun nda pila vanaa kɔlkalua-a lehɔl coo le.»

Rɔmnda 11:29

Kani ke Hala-o a veelu ndɔɔ mangalan te.

2Masaa 5:4

Mí Naaman kɔ dimul vana ndɔ bɛndoo sɔɛi cuaambɔ fula kon Israɛl-lo dimi-e.