1Korɛntea 1:20 - BII BILA

²⁰ Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

1Korɛntea 1:20 Referans Kwoze

Rɔmnda 1:22

Nda pila va sangalanndo maa a kendu lakɔl, kɛ a siŋnun diɔmnda.

SƐBƐ YƆB-O 12:17

Ndu tosà ni mì simlacia lelɛŋnda kela pelun fondo, ndu koni tosà vɛlɛ ni mì kɔlkalu kialaa n'yamaa laasian vanaa kialaa n'yamaa o ba.

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

1Korɛntea 1:19

Kani o co o sɛvaa aa: «I tɛɛmbuunin kɔlkalu vanaa kɔlkalua, mì ɲumi dɛnɛ sinaa vanaa dɛnɛ sinaa.»

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

SƐBƐ YƆB-O 12:24

Ndu hialu sinapɛngoo simlacia lelɛŋnda ni, mò sɔɔndiaa nda, nɛiyo bɛɛ a ci le.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

Esai 53:1

Nɛ̀ɛ́-nɛ̀ laalan yɛ sɔɛi ndíì dimulun naa-e? Mɛlɛka cɔm vannda kpede kpaaya ndɔɔ.

Esai 33:18

Kɔl nɔmndo loonunnin a siòòŋii bii nɔm pandu-e, o kon a ɲunannin aa: «Ɔ́ɔ̀ nɛɛ vana sɛvaa coo-a? Kuɛɛ nɛ vana mandaa bolofaa co yɛ? Ɔ́ɔ̀ vana va keiyo cɛila coocoolan mɛɛndanndo-o?»

SƐBƐ YƆB-O 12:20

Ndu hialu vanaa caa isɔɔa sɔɛi o sondo ni, mò poondaa sinapɛngoo vanaa yuuvɛiya o ba.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

2Samiɛl 16:23

O telen kon yɛ, vannda va silala Ahitofɛl-tan biyɔɔ maa sɔɛi Hala. Hali David nda Absalɔm va silala ndɔlan biyɔɔ.

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

Yeremi 10:7

Nɛ̀ɛ́-nɛ̀ kɛɛ yɛnin nɔm vo, nɔm co masaa le vanaa-mangalaa-isɔɔa súúlan kpow-vo? Nɔm vana bɛnda le vou ni, kani o vanaa kɔlkalua co vanaa-mangalaa-isɔɔa súúlan kpow-va tɛɛn, a o masɛi ndɛi kpow nin, vana-vana co maa nɔm te.

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Rɔmnda 1:20

Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

1Korɛntea 1:26

Puapilɛa nia, la tofa vɔ mɛɛ niaa sɔla veeloo yɛ: vanaa kɔlkalua bɔɔ-bɔɔ co niaa tɛɛn o falon nin te, vanaa kpaayaa co a bɔɔ le, vanaa ɲɛ-sɔlaa co vɛlɛ sɛ́lɛ́ le.

1Korɛntea 1:27

Kɛ mí Hala hɛli ɲɛm ceendo co cɔu maa idiɔmndon, mó dɔaw vanaa kɔlkalua kɔndɔfili a mun. Mó hɛli ɲɛm ceendo co cɔu maa n nɔ kpaaya loon, mó dɔaw vanaa kpaayaa kɔndɔfili a mun.

1Korɛntea 1:28

Mó hɛli ɲɛm ceendo co cɔu maa ɲɛ fondo-on, n vannda co yii luɛyɔɔ loon, n co bɛɛ ɲɛ-ɲɛ nda o hɔl te-on le ɲɛm nda co cɔu maa n'sɔvɛ-on tɛɛmbuuo.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Korɛntea 6:2

Vɛ̀ɛ̀ la co sínà maa vanaa diandaa le a kialunin yamɛi vanaa ceenda le? Te o va yɛ pɛ maa niaa kialunin ceendo iyama ni, vɛ̀ɛ̀ mì la bumba sɔɔn pɔm-pɔmbɔn toosiaa niaa pilaa tɛɛn?

1Korɛntea 11:32

Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.