1Korɛntea 1:18 - BII BILA

¹⁸ Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

1Korɛntea 1:18 Referans Kwoze

1Korɛntea 2:14

Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

2Korɛntea 4:3

Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

1Korɛntea 2:2

Kani telen ya va niaa tɛɛn-ndo, mí kialu o kɔl nuu nin maa i sínà ɲɛ-ɲɛ celen faŋanndo o Yeesu Krista kɔɔli le, Yeesu nda baŋ o yɔm singafilaa coo-o pɛɛn.

Dɛnnda kiilaa 13:41

‹La tofa vɔ, niaa vanaa pɛɛsaa pɛ haa nin-nda. Kɔndɔfillo bii niaa mì la cuu, kani i co dɛnɛ pum tosa o telen niaa, hali vana ce dɛnɛ kon-ndo hun dimul bɛɛ niaa, la laalannin te.›»

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Dɛnnda kiilaa 2:47

A va Hala biiloo, mí ɲɔɔ va vannda kpow hɛnanndo a nda. Ɛ̀ɛ̀ nduyɛ, lepalaa-lepala Maalii va vanaa va ciindaa sɔlaa-a handɔɔ o kunda ndaa coo.

1Korɛntea 4:10

Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.