1Korɛntea 1:13 - BII BILA

¹³ Vɛ̀ɛ̀ o piɔvaa Krista co ni? Vɛ̀ɛ̀ Pol nda baŋ o yɔm singafilaa coo le niaa ni? Vɛ̀ɛ̀ o diola Pol-tan niaa sɔla yinɔɔ ni?

1Korɛntea 1:13 Referans Kwoze

Efɛsea 4:5

Maalii ndu pilɛ co ni, laalanndo ndu pilɛ co ni, yinɔɔ ndu pilɛ co ni,

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

1Korɛntea 10:2

Má sɔla yinɔɔ o yumbuyumbu kon nin a o mɛmma ihɛllan nin a Moise latulu.

Dɛnnda kiilaa 19:5

Mɛɛ nda tuei sɔɔn mun, má sɔla yinɔɔ o diola Maalii Yeesu lan.

Dɛnnda kiilaa 10:48

O kon mó dimul vannda, má sɔla yinɔɔ o diola Yeesu Krista lan. O kon kɔɔli, má tɛɛlun ndu aa o lo nda ndaa le palɛi pum.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Korɛntea 1:15

Lelan, vana-vana tiwba mo dimi le aa o diola nilan o sɔla yinɔɔ ni.

Rɔmnda 14:9

Kani lelan Krista vi ni, mó muungu vɛlɛ yoomu, haliko mo va vana bɛndoo le vanvílɛ́iya a le vanaa co yoomu-a.

Dɛnnda kiilaa 8:16

Nduyɛ, Hala Kɔl-Diandaa kon ndóò tul-lɔ vana-vana coo o nda tɛɛn te. Yinɔɔ daama ndáà sɔla vɔ o diola Maalii Yeesu lan ni.

Matie 3:6

má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.