1Korɛntea 1:11 - BII BILA

¹¹ Kani puapilɛa nia, yungu Kloe-o dimul-la maa sɛɛngianndan la co niaa tɛɛn.

1Korɛntea 1:11 Referans Kwoze

1Timote 6:4

mɛɛ yongaa pɛ ndu lende nin ni, o sínà ɲɛ-ɲɛ le. Yeemɛi o nɔ lende le sɛɛngianndan a le diomndan hiŋanndo o sɔɔn pum coo ni. Nduyɛ o kon nin paŋalianndan, sɛɛngianndan, yeowlan, sɔɔn vɔɔnndon tuuvo

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Talelan 18:6

Vana pe lebol too soo pɛ o kelu sɔngɔɔ, sondo ndɔɔ tosà ni mà hol ndu baa.

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

O Kandɔɔ 37:2

Dɛnɛ yungu ndɔɔ yɔŋnun hoo ni: Yosɛf po ndɔ ndóò nɔ vɔsilan tɔ́ a laŋɔmmɛw, má va saa a cuinnda mandaa nda bɛndaa ndɔa latulu, poaa Bilha nda Silpa-a, laandaa fuɲa ndɔa pɛɛn. Sɔɛi-sɔɛi vɔɔn bɛndaa ndɔa kan ndáà dimi pɛ, ndóò kɔ cɔɔmuu nda o fuɲa nda lo.

O Kandɔɔ 27:42

Mí vanndo dimul Rebeka maa Esau po ndɔ tase co kɔngɔlanndo le pɔmbɔ ndɔ diyɔɔ. Le hee, mí Rebeka veelu Yakɔb, po ndɔ diinndɔɔ, mó dimul ndu aa: «Esau bɛ nɔm co kɔngɔlanndo le nɔm diyɔɔ le màá ndɔɔ mingio.

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

1Korɛntea 11:18

Sɔɛi tasei co hee ni, i tuei maa la bɔɔŋian pɛ, la piɔvian kundalan yɛ́-yɛ́. Nduyɛ, i laalan kon ɲɛ-pɔmbɔ.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

Tite 3:9

Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le.