10 Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.
Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.
Condii fula o condun David-on nin-nde, condii vannda keì solio nɛi-tɛɛn o kɔlan-nde. Àá! O co bɔɔ dɛnɛ kɛndɛ a dɛnɛ ɲaaloo mì puapilɛa bɛnda o caltan nin!
Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.
Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.
Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.
Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.
I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,
Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.
Vana-vana beŋul tɛɛngei o doma paandoo a pɛngɛi kola sɛnɛiye le. Vana baŋul a ndi pɛ, telen pɛngɛi kola sɛnɛiye co ŋɔwnɔn-ndo, doma paandoo cɔɔlu sɛɛsa.
Vana-vana cue pɛngɛi kola sɛnɛiyo ma hol ndi pɛɛmaa o volɔɔ cuɛinan paandoo le, kani te pɛngɛi kola sɛnɛii ken i kindu pɛ volɔɔ cuɛinan paandu kon, ɲɔɔ cɔɔlu sɛɛsa taw.
Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»
Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.
La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.