Roma 5:1 - Lalang Hu Dios

¹ Iman tumenged ta inisip kuy hu Dios ha matareng pinaagi hu pagtuu taw malinawen en gayed sa pagdapità taw hu Dios pinaagi ki Cristo Jesus ha Ginuu taw.

Roma 5:1 Referans Kwoze

Roma 15:13

Sa Dios ha iyan puunaan hu taghinamen taw mailahan kaw kandin hu adagi ha kalipay daw kalinaw tumenged hu pagsalig nuy kandin ta daw mag-iseg gayed sa paghinam nuy pinaagi hu gahem hu Balaan ha Ispiritu.

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Colosas 1:20

daw pinaagi hu langesa din ha tuminugà duun hu krus nakalikù sa maayad ha pagdapità hu Dios daw hu bisan inu dini ta kalibutan daw diyà ta langit.

Roma 6:23

Ta sa igsuhul hu pakasalà iyan sa kamatayen, ba sa grasya hu Dios iyan sa kinabuhì ha hurà din katapusan pinaagi hu pagpakigsabuwa taw ki Cristo Jesus ha Ginuu taw.

Roma 14:17

Ta sa mahinengdanen dini ta kanuy sikuy sa tagharian en hu Dios kenà iyan sa agkakaen daw sa agkainum taw ba iyan gayed sa matareng ha pamatasan daw sa malinawen ha pagdapità daw sa kalipay pinaagi hu Balaan ha Ispiritu.

2 Tesalonica 3:16

Sa Ginuu mag-ila inyu hu kalinaw duun hu bisan inu ha maul-ulahan nuy ta diyà ta kandin agkapuun sa kalinaw. Sa Ginuu magduma inyu alan.

Juan 14:27

Igbilin ku sa kalinaw duun hu henà-henà nuy, sa kalinaw ha dini ta kanak iyan igbilin ku inyu. Sa mga etaw ha harì agtuu kanak hurà dan kalinaw ha iling taena. Aman harì kaw masamuk daw harì kaw en mahaldek.

Roma 4:5

Ba sa etaw ha hurà magsalig hu maayad ha buhat ta iyan din sinaligan sa Dios ha agpakahimu ha matareng hu makasasalà, sa pagtuu din iyan katarengan ha isipen haena hu Dios ha matareng.

Colosas 3:15

Sa kalinaw ha in-ila hi Cristo iyan ipagharì duun hu mga henà-henà nuy ta hinimu kaw hu Dios ha tumutuu ta daw magmalinawen kaw tumenged hu pagkasabuwa nuy hu pagtuu. Sigi kaw daan magpasalamat diyà ta kandin.

Roma 15:33

Sa Dios ha iyan puunaan hu kalinaw magduma inyu.

Mga Buhat 10:36

Sa Maayad ha Tultulanen ha insangyaw kanay sikay sa mga kaliwatan hi Israel iyan haini sa magmalinawen kuy pinaagi ki Cristo Jesus sa Ginuu hu alan.

Filipos 3:9

daw makigsabuwa a diyà ta kandin. Inisip a iman hu Dios ha matareng kenà tumenged hu pagtuman ku hu Kasuguan ba tumenged hu pagtuu ku ki Cristo. Saini ha pagkamatareng duun gayed napuun hu Dios pinaagi hu pagtuu.

1 Tesalonica 5:23

Sa Dios ha tag-ila hu kalinaw maghimpit inyu ta daw harì kaw gayed asem masaway ku lumikù si Cristo Jesus ha Ginuu taw.

Roma 5:18

Aman pinaagi hu salà ha nabuhat hu sabuwa ha etaw agsilutan sa alan. Iling daan taena ha pinaagi hu pagkamatareng hu sabuwa ha etaw mabaluy ha maisip sa alan ha matareng daw makaangken hu kinabuhì ha hurà din katapusan.

Lucas 19:42

ha tagyanaen, “Maayad ngaay ku matun-an nuy sa paagi ha magmalinawen kaw ba iman nakalilung haena inyu.

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Lucas 19:38

“Panalanginan gayed sa Harì ha nakauma ha sinugù hu Dios. Malinawen iman sa pagdapità hu Dios daw hu mga etaw aman dayeen gayed sa Dios diyà ta langit.”

Galacia 2:16

Ba bisan pa taena natun-an taw ha harì gayed isipen hu Dios ha matareng sa etaw pinaagi hu pagtuman hu Kasuguan ta pinaagi dà gayed hu pagtuu ki Cristo Jesus. Aman tuminuu kuy ki Cristo ta daw mabuhat kuy ha matareng pinaagi hu pagtuu kandin kenà pinaagi hu pagtuman hu Kasuguan, ta hurà gayed ag-isipen hu Dios ha matareng pinaagi hu pagtuman hu Kasuguan.

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Roma 10:10

Pighimo kuy ha matareng hu Dios tumenged ta laus man gayed sa pagtuu taw daw naluwas kuy ta insugid taw man sa mga sala taw.

Roma 3:30

ta sabuwa dà gayed sa Dios daw ag-isipen din sa mga Judio ha matareng ku tumuu sidan iling daan hu kenà mga Judio.

Roma 1:17

ta duun hu Maayad ha Tultulanen impadayag hu Dios sa paagi ha maisip sa etaw ha matareng. Saini pinaagi dà gayed hu pagtuu ta sa insulat ha lalang hu Dios tagyanaen, “Sa etaw ha nabuhat ha matareng pinaagi hu pagtuu din makaangken hu kinabuhì ha hurà din katapusan.”

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

Efeso 2:7

ta daw makapadayag din sa harì masukud ha grasya din kanuy hu hurà din katapusan pinaagi hu pagkamaluluy-en din tumenged ki Cristo Jesus.

Galacia 3:25

Iman ta nakatuu kuy en ki Cristo kenà taw en iyan panulù sa Kasuguan.

Roma 10:15

Daw in-inuwen man hu etaw sa pagpanunultul ku hurà magsugù kandan? Ba amin sinugù ta sa insulat ha lalang hu Dios tagyanaen, “Madagway gayed ta amin agpakauma ha magsangyaw hu Maayad ha Tultulanen.”

Roma 9:30

Saini tagpasabut ha bisan sa kenà mga Judio ha hurà maghenà-henà hu pagkamatareng ba pinaagi hu pagtuu dan ki Cristo Jesus inisip daan sidan ha matareng.

Lucas 2:14

“Dayeen gayed sa Dios diyà ta langit daw magmalinawen sa mga etaw ha pakapalipay hu Dios dini ta kalibutan.”

Roma 3:22

ha sa alan ha agtuu ki Cristo Jesus ag-isipen gayed hu Dios ha matareng tumenged hu pagtuu din. Mig-iling dà sa mga Judio daw sa kenà

Juan 5:24

“Laus gayed sa ag-ikagiyen ku ha bisan sin-u sa magpaliliman kanak daw tumuu hu Dios ha migsugù kanak amin din kinabuhì ha hurà din katapusan. Harì en haena masilutan ta nakalikay en duun hu kamatayen daw amin din en kinabuhì ha hurà din katapusan.

Roma 5:11

Daw kenà iyan dà haini ba agkalipay kuy daan duun hu Dios ta pinaagi ki Cristo Jesus ha Ginuu taw nakag-uliay sa maayad ha pagdapità taw kandin.

Galacia 5:22

Ba agkakilala taw daan sa tagbayaan hu Balaan ha Ispiritu ta amin din pagpalanggà duun hu mga duma din daw dayun dà malipayen daw malinawen daan, mapailuben daw mahid-uwen, buutan daw matinumanen,