Roma 15:7 - Lalang Hu Dios

⁷ Magdinawatà kaw iling ha dinawat kaw daan hi Cristo ta daw madayè sa Dios.

Roma 15:7 Referans Kwoze

Mateo 10:40

“Bisan sin-u sa agdawat inyu agdawat daan kanak, daw saena ha agdawat kanak agdawat daan hu Dios ha migsugù kanak.

Juan 13:34

“Amin ku bag-u ha kasuguan inyu ha iyan sa magpinalanggaay kaw. Iling hu kanak ha pagpalanggà inyu kinahanglan ha magpinalanggaay kaw daan.

Roma 5:2

Pinaagi hu pagtuu taw kandin in-ila kanuy hu Dios sa grasya din ha iyan iman tagsaligan taw. Aman adagi sa kalipay taw ta taghinamen taw ha makaambit kuy asem hu pagkagamhanan hu Dios.

Efeso 1:18

Daw tig-ampù ku daan ha mailawan sa henà-henà nuy ta daw matun-an nuy sa madagway ha tagsalapen nuy tumenged ta nabuhat kaw ha mga batà din, daw matun-an nuy daan sa mga adagi ha panalangin ha intagana din kanuy

Lucas 9:48

Dayun inikagiyan din sidan, “Bisan sin-u sa agdawat taini ha batà tumenged kanak agdawat daan kanak, daw saena ha agdawat kanak agdawat daan hu Dios ha migsugù kanak. Ta saena ha kinaminusan diyan ta inyu iyan labaw hu alan.”

Marcos 9:37

“Bisan sin-u sa agdawat hu batà iling taini tumenged kanak agdawat daan kanak, daw saena ha agdawat kanak agdawat daan hu migsugù kanak.”

Lucas 15:2

Ba sa mga Parisiyu daw sa mga manunudlù hu Kasuguan migtamudmud hu kagi dan, “Saini ha etawa nakigduma-duma hu mga makasasalà daw nakigsalu kandan.”

Efeso 1:12

Aman pinaagi kanay, sikay sa nangauna ha tuminuu ki Cristo madayè gayed sa pagkagamhanan hu Dios.

Roma 15:9

daw sinyu sa kenà mga Judio magdayè kaw daan hu Dios tumenged hu kahid-u din inyu. Ta nakasulat en sa inikagi hi Cristo Jesus duun hu Dios, “Siak daw sa mga kenà Judio tagpasalamat ikaw daw tagkanta kay hu pagdayè ikaw.”

Juan 6:37

Sa alan ha mga etaw ha in-ila kanak hu Dios ha Amay ku agdini ta kanak, daw saena ha agdini ta kanak harì ku gayed agbugawen.

Colosas 3:13

Mag-inantusay kaw gayed daw pasayluwa nuy sa nakasalà diyan ta inyu. Iling ha pinasaylu kaw hu Ginuu kinahanglan ha pasayluwen nuy daan sidan.