Roma 12:11 - Lalang Hu Dios

¹¹ Harì kaw tagpapugul ba magmadasigen kaw duun hu buluhaten hu Ginuu.

Roma 12:11 Referans Kwoze

Mga Buhat 18:25

daw natudluan daan hu tinuuwan mahitenged hu Ginuu. Madasigen gayed hu pagpanudlù daw hustu sa pagsaysay din mahitenged ki Jesus bisan ku iyan din dà natun-an sa pagbautismu hi Juan.

1 Pedro 4:8

Labaw hu alan siguruwan nuy gayed sa pagpinalanggaay nuy, ta sa laus ha pagpalanggà pakatambun hu salà.

Hebreo 12:28

Aman pasalamatan taw gayed sa Dios ta iyan kuy kandin tagharian hu hurà din katapusan. Simbahen taw sa Dios hu paagi ha agkabayà-bayaan din daw tahuran taw gayed sa paghukum din,

Efeso 4:28

Saena ha takaw kinahanglan ha umendà en hu pagpanakaw daw magtrabahu en hu maayad ta daw mabuligan din daan sa taglised.

1 Pedro 1:22

Iman nahimpit kaw en pinaagi hu pagkamatinumanen nuy hu kamatuuran ta daw laus gayed sa pagpalanggà nuy duun hu mga duma nuy. Aman ipaiseg gayed sa pagpinalanggaay nuy

Mga Buhat 20:19

Mig-alagad a hu Ginuu ha mapainubsanen daw usahay agpakaagalà a tumenged inyu. Madakel daan sa mga alantusen ku hu duma ku ha mga Judio ta agpasipalahan a kandan.

Mateo 24:12

Tumenged ta makalekep sa madaet duun hu kaet-etawan maawà daan sa gagaw hu mga etaw duun hu mga duma dan.

1 Timoteo 5:13

Daw kenà iyan dà haena ta mabuhat sidan ha pugulen daw sigi dà magpanumbalayà, magpangitukà daw maglabet-labet duun hu duma na maikagi dan sa kenà maayad ha ag-ikagiyen.

Impadayag 2:4

Ba amin nuy daan buhat ha harì ku agkabayaan ta inendaan nuy en sa pagpalanggà ha iling su anay.

Colosas 4:1

Sinyu sa mga agalen, harì nuy agdaeg-daega sa mga suluguen ta henhenaa ha amin nuy daan Agalen diyà ta langit.

1 Corinto 7:22

Ta sa ulipen ha nakatuu inisip hu Ginuu ha kenà ulipen, daw sa kenà ulipen su anay makatuu nabuhat ha ulipen hi Cristo.

Mateo 25:26

“Ba inikagiyan taena ha agalen din, ‘Buang-buang ka gayed daw pugulen ha sinaligan. Natun-an nud man diay ha aglegtayen ku sa kenà kanak ha insawed daw agtimuen ku daan sa kenà kanak ha inukapan.

Santiago 5:16

Aman magpasinugidà kaw hu mga salà nuy daw mag-inampuay kaw daan ta daw maulian kaw, ta sa pag-ampù hu etaw ha matareng amin gayed duun gahem.