Roma 10:10 - Lalang Hu Dios

¹⁰ Pighimo kuy ha matareng hu Dios tumenged ta laus man gayed sa pagtuu taw daw naluwas kuy ta insugid taw man sa mga sala taw.

Roma 10:10 Referans Kwoze

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

Roma 10:9

ku ikagiyen nuy ha si Jesus iyan Ginuu nuy daw tumuu kaw daan ha saena binanhaw hu Dios maluwas kaw gayed.

Galacia 2:16

Ba bisan pa taena natun-an taw ha harì gayed isipen hu Dios ha matareng sa etaw pinaagi hu pagtuman hu Kasuguan ta pinaagi dà gayed hu pagtuu ki Cristo Jesus. Aman tuminuu kuy ki Cristo ta daw mabuhat kuy ha matareng pinaagi hu pagtuu kandin kenà pinaagi hu pagtuman hu Kasuguan, ta hurà gayed ag-isipen hu Dios ha matareng pinaagi hu pagtuman hu Kasuguan.

Hebreo 10:22

umubay kuy iman duun hu Dios pinaagi hu laus ha pagsimba daw kenà duwa-duwa ha pagtuu tumenged ta nalimpyu en sa henà-henà taw daw nabautismuhan kuy en ha iyan timaan taena.

Lucas 8:15

Ba su binhì ha duun nakatanà hu balumbun ha bugtà iyan su etaw ha nakapaliman hu lalang hu Dios daw duminawat gayed ha migpadayun hu pagtuman taena daw pinaagi hu pagkamainantusen dan mamunga gayed sidan.

Hebreo 3:12

Mga suled, mag-andam kaw ha hurà madaet ha henà-henà duun hu bisan sabuwa inyu daw makasupak hu pagtuu, ta iyan haena ipakasuway nuy duun hu bubuhay ha Dios.

Filipos 3:9

daw makigsabuwa a diyà ta kandin. Inisip a iman hu Dios ha matareng kenà tumenged hu pagtuman ku hu Kasuguan ba tumenged hu pagtuu ku ki Cristo. Saini ha pagkamatareng duun gayed napuun hu Dios pinaagi hu pagtuu.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Marcos 9:23

Si Jesus minikagi, “Sumalà ikaw ta sa alan agkahimu hu etaw ha amin din gayed pagtuu.”

Roma 10:11

Sa insulat ha lalang hu Dios tagyanaen, “Sa alan ha sumalig kandin harì gayed magayhaan.”

Mga Buhat 8:37

Tuminubag si Felipe, “Ku laus gayed sa pagtuu nu mabaluy hayan.” Minikagi su upisyal, “Tuminuu a gayed ha si Cristo Jesus Batà hu Dios.”