Mga Buhat 5:3 - Lalang Hu Dios

³ Ba minikagi si Pedro, “Ananias, tinaguan kad gayed hi Satanas aman pigbiduan nu sa Balaan ha Ispiritu. Imbà nu man alati su salapì ha halin hu bugtà?

Mga Buhat 5:3 Referans Kwoze

1 Pedro 5:8

Magpugung kaw hu kaugalingen nuy daw magpangandam kaw ta sa kuntra nuy ha si Satanas taglibut-libut diyan ta inyu iling hu taghinigel ha liyun ta tagpan-ahà hu makagat din.

Mga Buhat 5:9

Inikagiyan haena hi Pedro, “Imbà kaw man mag-uyun ha sulayen nuy sa Balaan ha Ispiritu ha sinugù hu Dios? Ahaa nu, ta taglikù en sa miglebeng ku igmaama nu na iyan kad en paman kandan iman iglebeng.”

Juan 13:27

Su makaen en haena hi Judas sagunà ginaheman hi Satanas. Inikagiyan dayun hi Jesus, “Ku inu sa agbuhaten nu agpasa nud en.”

Juan 13:2

Agpanihapun sidan ba si Judas Iscariote ha batà hi Simon daan en tinaguan hi Satanas ha iyan maglimbung ki Jesus.

Santiago 4:7

Aman itugyan nuy duun hu Dios sa kaugalingen nuy. Sukuli nuy si Satanas daw mapulaguyan kaw kandin.

Mga Buhat 5:4

Saena ha bugtà ikaw gayed su hurà nu pa ibaligyà daw bisan su ibaligyà nud en iyan ka gihapun tagbayà ku inu sa buhaten nu hu halin din. Imbà nu man kahenhenai sa pagbuhat hu madaet? Ta sa pigbiduan nu kenà etaw ba iyan sa Dios.”

Mga Buhat 5:2

Sa halin taena inalatan hi Ananias daw mig-uyun daan sa igbahi din dayun sa samà inuwit din duun hu mga apustulis.

Lucas 22:3

Dayun si Judas ha tagngaranan daan ki Iscariote ha sabuwa duun ku sampulù daw daruwa ha mga tinun-an hi Jesus tinaguan hi Satanas.

Mateo 13:19

Ku amin mga etaw ha nakapaliman mahitenged hu pagharì hu Dios ba hurà makasabut taena, agkailing sidan hu binhì ha diyà dà nakatanà ta dalan ta sagunà pakauma si Satanas daw agawen din sa napaliman dan.