Mga Buhat 26:6 - Lalang Hu Dios

⁶ Iman impaatubang a dini ta ikaw tumenged hu sumbung kanak ta tinuuwan ku ha matuman asem sa insaad hu Dios duun hu mga gin-apuan day ha mabanhaw sa namamatay en.

Mga Buhat 26:6 Referans Kwoze

Mga Buhat 24:15

daw tagsalapen ku iman ha sa alan ha namamatay en sa matareng daw sa makasasalà mabanhaw dà hu Dios iling ha iyan daan haini tagsalapen taini ha migsusumbung kanak.

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

Mga Buhat 28:20

Iyan haini hinengdan ha inamul ku inyu ta agkabayà a pakiglalang inyu tumenged ta sa kapusasi iman kanak iyan sa pagtuu ku taena ha tagsalapen taw sikuy sa mga kaliwat hi Israel.”

Roma 15:8

Ta ikagiyen ku inyu ha si Cristo nabuhat ha suluguen duun hu mga Judio ta daw mapamatud-an din ha sa Dios matinumanen hu mga insaad din duun hu mga gin-apuan taw

Mga Buhat 23:6

Tumenged ta natun-an hi Pablo ha sa duma kandan mga Saduceo daw sa duma mga Parisiyu minikagi haena hu madaging, “Mga suled, Parisiyu a daan daw bisan sa mga gin-apuan ku Parisiyu gayed. Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.”

Galacia 4:4

Ba su makauma en sa natugun ha panahun impadini hu Dios sa Batà din ta kalibutan ha imbatà hu bahi daw nasakup hu Kasuguan

Mga Buhat 26:8

Sinyu sa naamul-amul dini, imbà kaw harì agtuu ha mabanhaw hu Dios sa mga namamatay en?

Mga Buhat 24:21

Hurà dan gayed agkaikagi, ba amin sabuwa ha inikagi ku hu madaging duun hu atubangan dan ha migyanaen a, ‘Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.’”

Mga Buhat 3:24

“Sa alan ha mga prupita sugud dà ki Samuel migtagnà daan hu naul-ulahan en iman.