Mga Buhat 22:1 - Lalang Hu Dios

¹ “Mga suled ku daw sinyu sa mga magulang, palilimani nuy haini sa katarengan ku.”

Mga Buhat 22:1 Referans Kwoze

Mga Buhat 7:2

Tuminubag haena, “Mga suled ku daw sinyu sa mga magulang, palilimani a inyu. Su anay sa gamhanan ha Dios migpaahà ki Abraham sa gin-apuan taw su diyà pa haena ta Mesopotamia ha hurà pa magtimà diyà ta Haran

2 Timoteo 4:16

Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.

1 Pedro 3:15

ba tahuren nuy gayed si Cristo ha Ginuu nuy. Sigi kaw managana hu igtubag nuy ku amin manginginsà inyu mahitenged hu pagsalig nuy duun hu Dios.

Filipos 1:17

Ba sa katuyuan taena ha tagpalabaw-labaw kenà laus ta agapan sidan hu pag-uswag daw sa henà-henà dan ha saena makaisab hu pag-antus ku dini ta prisuhan.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

2 Corinto 12:19

Henà-henà nuy iman ha bà day dà aglabani sa kaugalingen day. Ba natun-an gayed haini hu Dios ha sa inikagi day diyà gayed napuun ki Cristo daw sa katuyuan day iyan gayed sa pagpalig-en hu pagtuu nuy sinyu sa pinalanggà ha mga suled ku.

2 Corinto 7:11

Henhenaa nuy ku inu sa binuhat inyu hu Dios pinaagi hu kaguul nuy ta nadasig kaw hu pagbuhat hu maayad. Iman impaahà nuy gayed ha hurà inyu makasaway, tinambagan nuy en su binuhat hu nakasalà daw agkahaldek kaw iman ku makalagkes kaw duun. Agkabulung kaw daan kanak daw agkabayaan nuy gayed agbuhata sa insugù ku inyu daw pigsilutan nuy haena sa etaw ha nakasalà. Pinaagi taena impaahà nuy iman ha hurà nuy gayed labet hu mga salà din.

1 Corinto 9:3

Ku amin tagpanginginsà kanak iyan haini tubag ku.

Roma 2:15

Sa mga buhat dan ha maayad iyan pakapaahà ha duun en hu henà-henà dan sa bisan inu ha inikagi hu Kasuguan. Amin en duun hu henà-henà dan pakapadayag kandan hu maayad daw hu madaet aman agkaikagi dan ku sa buhat dan maayad ba daw ku madaet ba.

Mga Buhat 28:17

Su maiwas en sa tatulu ha aldaw inamul hi Pablo sa mga agalen hu mga Judio diyà dayun inikagiyan din sidan, “Mga suled, bisan ku hurà ku salà duun hu duma ku ha mga Judio daw hurà ku kasupak sa tulumanen hu mga gin-apuan taw ba dinakep a kandan daw intugyan a kandan duun hu mga agalen ta Roma.

Mga Buhat 26:24

Su kamulu pa si Pablo tag-ikagi nandasang si Festo ha tagyanaen, “Agkalibeg ka gayed, Pablo, tumenged hu miglabay ha katatau nu.”

Mga Buhat 25:16

Ba inikagiyan ku sidan ha sikuy sa mga sakup ta Roma kenà taw batasan ha hukuman taw sa etaw ku harì pa makapangatubang taena ha migsumbung kandin ta daw makapangatarengan.

Mga Buhat 25:8

Dayun nangatarengan si Pablo ha tagyanaen, “Hurà ku kasupak sa Kasuguan hu mga Judio daw hurà a maal en seled diyà ta Timplu daw hurà a daan supak ki Cesar sa Harì ta Roma.”

Mga Buhat 24:10

Su masingyasan hu gubirnadur si Pablo ta daw makaikagi daan minikagi si Pablo, “Natun-an ku ha matareng ka daw malugayad en sa pagkagubirnadur nu duun taini ha prubinsya aman ikalipay ku iman sa pagpangatarengan duun hu atubangan nu.

Mga Buhat 23:6

Tumenged ta natun-an hi Pablo ha sa duma kandan mga Saduceo daw sa duma mga Parisiyu minikagi haena hu madaging, “Mga suled, Parisiyu a daan daw bisan sa mga gin-apuan ku Parisiyu gayed. Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.”

Mga Buhat 23:1

Pigtengtengan hi Pablo sa alan ha mga labaw ha agalen daw ikagi, “Mga suled, natun-an hu Dios ha sa henà-henà ku hurà gayed duun pagduwa-duwa mahitenged hu pagtuman ku hu insugù din.”

Mga Buhat 19:33

Amin mga Judio ha migsugù ki Alejandro ha iyan mangatubang hu kaet-etawan hu pagpangatarengan mahitenged kandan. Dayun migsingyas haena ta daw humagteng sidan.

Mga Buhat 13:26

“Mga suled ku ha kaliwat hi Abraham daw sinyu daan sa alan ha matinahuren hu Dios, iyan kuy pinauwitan hu Maayad ha Tultulanen mahitenged hu igkaluwas taw.

Lucas 21:14

Harì kaw agkasamuk ku in-inuwen nuy pagpangatarengan

Lucas 12:11

“Ku uwiten kaw duun hu mga simbahan ta aghukuman kaw kandan daw ipaatubang kaw kandan duun hu mga agalen, harì kaw agkasamuk ku in-inuwen pagpangatarengan daw ku inu sa ipanubag nuy