Mga Buhat 21:11 - Lalang Hu Dios

¹¹ Dayun tinimù din sa bakes hi Pablo daw bakusa sa kaugalingen din ha alima daw paa daw uminikagi, “Impadayag kanak hu Balaan ha Ispiritu ha sa tag-iya taini ha bakes bakusen hu mga Judio diyà ta Jerusalem iling taini daw itugyan duun hu kenà mga Judio.”

Mga Buhat 21:11 Referans Kwoze

Mga Buhat 21:33

Dayun su kapitan hu sundalu migsugù ha pusasan si Pablo hu daruwa ha pusas daw nanginginsà ku sin-u haena daw inu sa salà din.

Mga Buhat 20:23

Iyan dà natun-an ku sa kada banuwa ha ag-elegan ku ag-ikagiyan a hu Balaan ha Ispiritu ha prisuwen a duun daw amin mga alantusen ku.

1 Pedro 1:12

Impadayag hu Dios diyà ta kandan ha kenà pa haini para kandan ba para iman kanuy, ta sa intultul dan su anay iyan sa Maayad ha Tultulanen ha tigsangyaw daan iman inyu hu mga etaw ha ginaheman hu Balaan ha Ispiritu ha sinugù hu Dios. Saini ha kaluwasan agkabayaan ngaay hu mga balinsuguen hu Dios ha matun-an dan.

Hebreo 10:34

Nahid-uwan nuy daan haena sa mga naprisu, daw su agawen dan sa mga butang nuy bà kaw dà nabayà-bayà ta natun-an nuy ha tungkay gayed maayad sa kahimtang nuy asem diyà ta langit duun hu hurà din katapusan.

Hebreo 3:7

Henhenaa nuy sa inikagi hu Balaan ha Ispiritu ha tagyanaen, “Ku mapaliman nuy iman sa lalang hu Dios

2 Timoteo 2:9

daw pinaagi taena tag-antus a hu mga malegen daw naprisu a pa iling hu makasasalà. Ba sa lalang hu Dios harì gayed agkaprisu.

Efeso 6:20

Tumenged ta sinaligan a hu Dios pagsangyaw taena naprisu a iman. Aman ampui a inyu ha amin gayed gahem hu pagpanunultul ku.

Efeso 4:1

Siak sa naprisu tumenged hu pagsunud ku hu Ginuu aghangyuen ku inyu ha tumenged ta pighimu kaw hu Dios ha tumutuu sa pamatasan nuy angayan gayed hu tumutuu.

Efeso 3:1

Iyan haini hinengdan ha naprisu a ta migsangyaw a mahitenged ki Cristo Jesus diyan ta inyu sinyu sa kenà mga Judio.

Mga Buhat 28:25

Tumenged ta hurà mag-iling sa henà-henà dan nakagsusuwayà sidan. Ba su hurà pa sidan hipanaw uminikagi si Pablo, “Laus gayed sa inikagi hu Balaan ha Ispiritu duun hu mga gin-apuan taw ha insulat hi Isaias sa prupita ha tagyanaen,

Mga Buhat 28:20

Iyan haini hinengdan ha inamul ku inyu ta agkabayà a pakiglalang inyu tumenged ta sa kapusasi iman kanak iyan sa pagtuu ku taena ha tagsalapen taw sikuy sa mga kaliwat hi Israel.”

Mga Buhat 28:17

Su maiwas en sa tatulu ha aldaw inamul hi Pablo sa mga agalen hu mga Judio diyà dayun inikagiyan din sidan, “Mga suled, bisan ku hurà ku salà duun hu duma ku ha mga Judio daw hurà ku kasupak sa tulumanen hu mga gin-apuan taw ba dinakep a kandan daw intugyan a kandan duun hu mga agalen ta Roma.

Mga Buhat 26:29

Ba si Pablo tuminubag, “Sa tig-ampù ku iman duun hu Dios iyan sa malugay daw ku madalì sikaw daw sa alan ha nakapaliman taini mailing kanak ha nakatuu ba harì mailing kanak ha naprisu.”

Mga Buhat 24:27

Su maiwas en sa daruwa ha tuig si Felix nailisan hi Porcio Festo. Tumenged ta agkabayà si Felix ha mabayà-bayà gayed sa mga Judio hurà din ipaguwà si Pablo diyà ta prisuhan.

Mga Buhat 22:25

Ba su ibangget dan en si Pablo ta aglagkutan en nanginginsà duun hu lain ha kapitan hu mga sundalu ha diyà ta ubay din, “Iyan ba diay haini balaud nuy sa lagkutan nuy sa duma ha sakup ta Roma bisan ku hurà pa kabistiga?”

Mga Buhat 16:6

Tumenged ta binaldeng say Pablo hu Balaan ha Ispiritu hu pagpanunultul hu lalang hu Dios diyà ta prubinsya ta Asia, duun sidan nakaagi hu mga banuwa ha sakup ta Frigia daw Galacia.

Mga Buhat 13:2

Amin aldaw ha suminalang sidan hu pagkaen ta daw harì maelangan sa pagsimba dan hu Dios. Inikagiyan sidan hu Balaan ha Ispiritu, “Pilia nuy si Bernabe daw si Saulo ta amin buluhaten ha intagana ku kandan.”

Mga Buhat 9:16

Igpaahà ku kandin ku inu gayed kaadagi sa mga alantusen din tumenged hu pagsunud din kanak.”

Juan 18:1

Su makapenga si Jesus mag-ampù uminawà diyà duma hu mga tinun-an din daw luminayon sidan diyà ta Kidron. Diyà ta layun amin pinamulahan hu mga kayu ha ulibu dayun duminiyà sidan.

Mga Buhat 8:29

Dayun inikagiyan hu Balaan ha Ispiritu si Felipe, “Ubay ka diyà tayà ha kalisa.”

Mga Buhat 21:4

Nakaahà kay diyà hu mga tumutuu aman migtimà kay pa diyà hu nangkasimana. Dayun impadayag hu Balaan ha Ispiritu diyà ta kandan sa mahitabù ki Pablo diyà ta Jerusalem aman inikagiyan dan haena ha harì en dumayun diyà.

1 Timoteo 4:1

Sa Balaan ha Ispiritu tag-ikagi, duun hu hudiyan ha panahun amin gayed umendà duun hu pagtuu daw sumunud hu tinumanan hu mga limbungan ha tinaguan hu mga busaw.