Mga Buhat 2:43 - Lalang Hu Dios

⁴³ Madakel sa belenganen daw timaan ha impaahà hu mga apustulis aman nangabeleng gayed sa mga etaw.

Mga Buhat 2:43 Referans Kwoze

Juan 14:12

Laus gayed sa ag-ikagiyen ku inyu ha bisan sin-u sa tumuu kanak makahimu daan hu binuhat ku, daw labaw pa sa mabuhat din tumenged ta ag-ulì ad en duun hu Dios ha Amay ku.

Lucas 8:37

Ba su mga etaw ha nangapuun duun hu mga banuwa ha ubay ta Gadara huminangyù ki Jesus ha umawà diyà ta kandan ta agkahaldekan gayed sidan. Aman luminulan si Jesus hu barutu ta ag-awà diyà.

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Marcos 16:17

Saena ha agtuu magaheman ta daw makabuhat sidan hu mga belenganen. Pinaagi hu ngaran ku makabugaw sidan hu mga busaw daw makaikagi daan sidan hu harì agkasabut ha inikagiyan.

Mga Buhat 9:40

Ba impaguwà sidan hi Pedro dayun luminuhud haena hu pag-ampù. Sumininalu duun ku minatay daw ikagi, “Tabita, bangun ka.” Guminimata si Dorcas na su maahà din si Pedro mininuu dayun.

Mga Buhat 4:33

Amin gayed gahem duun hu pagpanunultul hu mga apustulis mahitenged hu pagkabanhaw hi Jesus ha Ginuu aman adagi sa panalangin kandan.

Mga Buhat 9:34

Inikagiyan haena hi Pedro, “Eneas, bangun kad en daw luluna sa banig nu ta maulian ka hi Cristo Jesus.” Sagunà haena migbangun.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Mga Buhat 5:5

Su mapaliman haena hi Ananias sagunà nabantang dayun minatay. Sa alan ha nakapaliman taena ha naul-ulahan nahaldek gayed.