Mga Buhat 13:14 - Lalang Hu Dios

¹⁴ Ba say Pablo duminayun diyà ta Antiokia ha sakup ta Pisidia. Su aldaw hu Sabadu sumineled sidan duun hu simbahan hu mga Judio daw pinuu.

Mga Buhat 13:14 Referans Kwoze

Mga Buhat 16:13

Su aldaw hu Sabadu guminuwà kay duun taena ha banuwa daw duminiyà kay ta kilid hu wahig ta nahenà-henà day ha diyà sa alampuanan hu mga Judio. Dayun mininuu kay diyà daw tultuli hu lalang hu Dios sa mga bahi ha tag-amul-amul diyà.

Mga Buhat 17:2

Sumalà hu naanadan hi Pablo sumineled duun taena ha simbahan. Kada Sabadu seled hu tatulu ha simana nakiglalang kandan daw pinamatud-an din pinaagi hu insulat ha lalang hu Dios ha su Misiyas kinahanglan ha mag-antus gayed dayun himatayan ba mabanhaw dà. Inikagiyan sidan hi Pablo, “Si Jesus ha iyan intultul ku diyan ta inyu iyan su Misiyas.”

Mga Buhat 14:19

Amin daan mga Judio ha napuun ta Antiokia daw ta Iconio ha nakauma diyà ta kandan aman pighulhugan dan sa mga etaw ha paukan dan si Pablo. Dayun pigbatu dan si Pablo daw guyuda diyà ta guwà taena ha banuwa ta abi dan ha minatay en.

Mga Buhat 18:4

Kada Sabadu nakiglalang si Pablo diyà ta simbahan ta daw makabig sa mga Judio daw sa kenà mga Judio duun hu pagtuu ki Jesus.

Mga Buhat 19:8

Tatulu ha bulan sa pagtudlù hi Pablo hu mga etaw duun taena ha simbahan hu mga Judio daw hurà din daan gayed kahaldek hu pagdasig kandan mahitenged hu pagharì hu Dios ta daw makabig sidan.

Mga Buhat 13:44

Su maisab ha Sabadu madakel gayed tungkay sa nangaamul-amul duun taena ha simbahan hu pagpaliliman hu lalang hu Dios.

Mga Buhat 13:42

Su agguwà en si Pablo daw si Bernabe duun taena ha simbahan hinangyù sidan hu mga etaw ha lumikù dà sidan duun hu isab ha Sabadu ta daw isab dà sidan makapanudlù.

Mga Buhat 9:20

Dayun migtudlù duun hu mga simbahan ha si Jesus Batà hu Dios.

Lucas 4:16

Duminiyà si Jesus ta Nazareth ha duun daan mig-adagi. Sumalà hu batasan din ku Sabadu ha iyan Aldaw hu Paghimlay duminuun haena hu simbahan hu mga Judio. Dayun huminitindeg hu pagbasa hu lalang hu Dios

Mga Buhat 13:46

Ba si Pablo daw si Bernabe hurà gayed kahaldek aman minikagi sidan, “Kinahanglan gayed ha sinyu sa mga Judio iyan kaw unahan tultulan hu lalang hu Dios. Ba tumenged ta hurà nuy dawata inisip nuy ha kenà kaw angayan hu kinabuhì ha hurà din katapusan. Aman agduun kay iman hu mga etaw ha kenà Judio

2 Timoteo 3:11

Bisan pa ku pinasipalahan a daw malegen sa naula-ula ku diyà ta Antiokia, Iconio, daw ta Listra, ba naantus ku haena alan tumenged ta sa Dios iyan migbulig kanak.