Mateo 9:36 - Lalang Hu Dios

³⁶ Su maahà din sa kaet-etawan nahid-uwan din gayed sidan ta agkailing sidan hu mga karniru ha agkangasamuk daw tagkangalaag ta hurà duun magbalantay.

Mateo 9:36 Referans Kwoze

Marcos 6:34

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan ta agkailing sidan hu mga karniru ha hurà duun magbalantay. Dayun tinudluan din sidan hu madakel ha mga katudluanan.

Mateo 14:14

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan dayun naulian din sa agkangadaluwan.

Mateo 15:32

Inamul hi Jesus sa mga tinun-an din daw ikagiyi sidan, “Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen. Harì ku agkabayaan ha ipaulì ku sidan ha hurà dan makaen ta kan ku tasien sidan diyà ta dalan.”

Mateo 15:24

Inikagiyan hi Jesus su bahi, “Iyan dà pinaelegan kanak hu Dios sa mga kaliwatan hi Israel ta agkailing sidan hu nangalaag ha mga karniru.”

Hebreo 5:2

Saini maluluy-en gayed taena ha mga etaw ha hurà dan agkasabut daw tagkangalaag pinaagi hu pagpakasalà dan, ta etaw dà haini ha tagpakasalà daan.

Hebreo 4:15

Maluluy-en haini ta natun-an din sa kaluya taw tumenged ta nakaagi daan hu bisan inu ha panulay iling kanuy, ba hurà gayed hu kandin makasalà.

Mateo 10:6

ba duun kaw dà payanaen hu mga kaliwatan hi Israel ta nailing en sidan hu mga karniru ha nangalaag.

Marcos 8:2

“Agkahid-uwan ku haini sa mga etaw ta tatulu en ha aldaw sa pagduma-dumahà dan kanuy daw hurà dan en gayed agkakaen.