Mateo 7:15 - Lalang Hu Dios

¹⁵ “Mag-andam kaw hu mga manunudlù ha biduen ta saena dumiyan ta inyu ha bà su mga tumutuu ba sa mga tigtudlù dan makadaet inyu.

Mateo 7:15 Referans Kwoze

1 Juan 4:1

Pinalanggà ku ha mga suled, harì kaw sagunà dà agtuu hu bisan inu ha igtudlù inyu hu mga etaw ha tag-ikagi ha inulinan sidan hu Balaan ha Ispiritu, ba unahen nuy susiyen haena ku duun ba napuun hu Dios ta nakalekep en iman dini ta kalibutan sa mga biduen ha manunudlù.

Mateo 24:11

Makahiwal daan sa mga biduen ha manunudlù ha maglimbung hu madakel ha mga etaw.

Colosas 2:8

Mag-andam kaw gayed ha harì kaw makabig hu bisan sin-u pinaagi hu limbung ha katudluanan ha hurà din pulus ha duun dà napuun hu kalibutanen ha tulumanen daw henà-henà. Kenà haena iyan kamatuuran ta hurà diyà kapuun ki Cristo.

Impadayag 19:20

Ba nadakep su mananap daw su biduen ha prupita ha migpaahà hu mga belenganen duun hu atubangan din. Tumenged ku mga belenganen nalimbungan din su mga etaw ha naugsakan hu timaan taena ha mananap daw suminimba hu larawan din. Dayun saena ha mananap daw su biduen ha prupita inlambeg ha bubuhay duun hu linaw ha tagkalegdeg hu asupri.

Judas 1:4

Sa hinengdan ha sinulatan ku inyu ta amin en nakaamul diyan ta inyu ha iglimud dan sa Dios. Tag-ikagi sidan ha mabaluy taw en buhata sa sumalà en ha malaw-ay tumenged ta sa Dios maluluy-en gayed aman pasayluwen kuy daan kandin, ba saini ha mga etaw insalikway dan gayed si Cristo Jesus ha iyan dà Ginuu. Sa igsilut kandan insulat en duun hu lalang hu Dios.

2 Pedro 3:17

Aman pinalanggà ku ha mga suled, tumenged ta natun-an nuy en haini magbantay kaw gayed ha harì kaw mauwit hu mga bidù taini ha mga masinupaken ha manunudlù daw harì kaw malaag duun hu laus ha pagtuu.

Lucas 6:26

“Kahid-u nuy gayed sinyu sa tagdayeen iman hu mga etaw ta iyan haena binuhat hu mga gin-apuan dan duun hu biduen ha mga prupita.

2 Timoteo 3:13

ta sa mga madaet ha etaw daw sa limbungan mag-iseg gayed sa kadaet dan. Manlimbung sidan ba malimbungan daan sidan.

2 Timoteo 4:3

Ta makauma sa panahun ha sa mga etaw tumambag magpaliliman hu kamatuuran ba magpatudlù sidan hu lain ha manunudlù sumalà hu agkabayaan dan agpalilimani.

Filipos 3:2

Magbantay kaw hu mga etaw ha iling hu asu daw tagbuhat hu madaet, ta saena sidan tagtudlù ha kinahanglan ha sirkunsidahan sa etaw ta daw mabuhat ha batà hu Dios.

Efeso 4:14

Harì kuy en mailing hu mga batà ha tagkahalin-halin sa pagtuu dan pinaagi hu pagpaliliman dan hu harì tag-iling ha katudluanan hu mga etaw ha limbungan gayed.

Galacia 2:4

bisan ku sa duma agpameges ngaay. Saena ha agpameges migpasibù-sibù ha mga tumutuu ha nakaamul dini ta kanay, ba sa tuyù dan iyan sa pagpaniid mahitenged hu pagkalibri taw duun hu Kasuguan pinaagi ki Cristo Jesus ta daw maisab kuy dà kandan maulipen.

Lucas 12:15

Dayun inikagiyan din su mga etaw, “Bantayi nuy ha harì kaw maayat ta sa maayad ha pagtimà harì duun agkapuun hu madakel ha mga butang.”

Impadayag 16:13

Dayun naahà ku sa tatulu ha mga busaw, saena mahugaw gayed ha agkailing hu mga bakbak. Sa sabuwa duun napuun ku bàbà taena ha dragun, sa ikaduwa duun napuun ku bàbà taena ha pinakahaluhaldek ha mananap, daw sa ikatulu duun napuun hu bàbà ku biduen ha prupita.

Efeso 5:6

Harì kaw gayed magpalimbung hu bisan sin-u pinaagi hu mga lalang dan ha hurà din pulus ta tumenged taena ha mga madaet ha buhat agsilutan hu Dios sa etaw ha agpakasupak kandin.

Mga Buhat 13:40

Aman mag-andam kaw ha harì mahitabù diyan ta inyu sa lalang hu Dios ha insulat hu mga prupita ha tagyanaen,

Juan 10:12

Sa tagbantay ha bà dà sinuhuli kenà iyan tag-iya hu mga karniru. Aman ku makaahà hu agpamangaen hu mga karniru bà din dà ag-awai haena sa mga karniru. Dayun su agpamangaen hu mga karniru ipagsusuwayà din sidan.

Mateo 16:11

Imbà nuy harì agkasabut ha kenà supas sa tagsubayen ku? Ba magbantay kaw hu igpatulin taena ha mga Parisiyu daw Saduceo.”

Mateo 16:6

Inikagiyan sidan hi Jesus, “Magbantay kaw hu igpatulin taena ha mga Parisiyu daw Saduceo.”

Mateo 10:17

Magbantay kaw ta itugyan kaw asem duun hu maghukum inyu daw lagkutan kaw pa gayed kandan duun hu mga simbahan.

Impadayag 17:6

Naahà ku haena sa bahi ha nabeleng hu langesa taena ha mga etaw hu Dios ha pighimatayan din tumenged hu pagpanunultul dan mahitenged ki Jesus. Su maahà ku haena nabelengan ku gayed.

Mga Buhat 13:6

Su diyà en sidan ta Papos ha dibaluy taena ha pulù natalagbù dan sa salamangkiru ha Judio ha tagngaranan ki Bar-Jesus ha tagpasibù-sibù ha pakasaysay hu igpaikagi hu Dios,

Mateo 7:14

Malig-et sa pultahan daw malegen sa dalan payanaen hu kinabuhì ha hurà din katapusan aman atiyuay dà sa pakatulen duun.

Impadayag 20:10

Dayun si Satanas sa iyan miglimbung kandan iglambeg duun ku tagkalegdeg ha linaw ha asupri ha duun daan inlambeg su mananap daw su biduen ha prupita. Diyà sidan mag-antus hu mga kasakitan aldaw daw ku daleman hu hurà din en gayed katapusan.