Mateo 6:9 - Lalang Hu Dios

⁹ “Iyan haini paagi hu pag-ampù ‘Amay day diyan ta langit, tahuren gayed sa ngaran nu.

Mateo 6:9 Referans Kwoze

Impadayag 4:11

“Dios ha Magbabayà day, gamhanan ka gayed ta iyan ka migtanghagà hu alan daw pinaagi ikaw nahimu sa alan ha amin din kinabuhì. Aman angayan ka gayed ha dayeen daw tahuren.”

Roma 8:15

Sa Balaan ha Ispiritu ha impaulin inyu mighimu inyu ha harì kaw mahaldek hu Dios iling hu ulipen ta binuhat kaw kandin ha laus ha mga batà hu Dios. Makapangumaw kuy en hu Dios ha Amay taw

Galacia 4:6

Tumenged ta mga batà kuy hu Dios pinaulinan kuy kandin hu Balaan ha Ispiritu daw pakaikagi kuy en iman ha Amay taw sa Dios.

Impadayag 5:12

tagkanta hu madaging gayed ha tagyanaen, “Su Nati ha Karniru ha hinimatayan angayan ha simbahen ta gamhanan gayed. Kandin sa alan bisan sa kaalam daw sa bis-ay aman tahuren daw dayeen taw.”

Mateo 7:11

Ku sinyu sa mga etaw ha makasasalà agkatuen kaw tag-ila hu maayad duun hu mga batà nuy, labaw pa gayed sa Amay nuy diyà ta langit ta ku manayù kaw ilahan kaw gayed kandin hu mga maayad ha agpanayuen nuy.

Mateo 26:29

Ikagiyen ku inyu ha daw ad en asem isab ag-inum hu bag-u ha binu duma inyu ku magharì en sa Dios ha Amay ku.”

Mateo 23:9

Daw harì nuy daan ngaranan sa bisan sin-u dini ta kalibutan ha Amay nuy ta sabuwa dà sa Amay nuy ha iyan sa Dios diyà ta langit.

Mateo 5:16

Aman ipasiga gayed sa sulù nuy ta daw maahà hu mga etaw ha maayad sa mga buhat nuy dayun madayè dan sa Dios ha Amay nuy diyà ta langit.

Lucas 15:18

Maayad pa ha umulì a diyà ki Amay daw ikagiyan ku, “Amay, nakasalà a gayed duun hu Dios daw diyan ta ikaw.

1 Pedro 1:17

Tumenged ta tag-ampù kaw duun hu Dios ha Amay nuy ha hurà din gayed igpalabi, iman ha langyaw kaw pa dini ta kalibutan tahura nuy gayed ta iyan haena taghukum hu kada sabuwa sumalà hu binuhat din.

1 Timoteo 6:16

Iyan dà haena hurà din kamatayen daw duun tagtimà hu kapawaan aman hurà bisan sin-u ha makaubay diyà ta kandin. Hurà pa nakaahà kandin daw harì daan maahà hu bisan sin-u. Aman dayeen sa Dios ha iyan Harì taw hu hinangturan.

Lucas 15:21

“Ba su batà din minikagi, ‘Amay, nakasalà a gayed duun hu Dios daw diyan ta ikaw. Kenà ad en angayan ha isipen pa ha batà nu.’

Lucas 2:14

“Dayeen gayed sa Dios diyà ta langit daw magmalinawen sa mga etaw ha pakapalipay hu Dios dini ta kalibutan.”

Mateo 6:14

Ku mapasaylu nuy sa etaw ha nakasalà diyan ta inyu pasayluwen kaw daan gayed hu Amay nuy diyà ta langit.

Mateo 6:6

Ku mag-ampù kaw dumuun kaw hu lugar ha hurà makaahà inyu daw mag-ampù kaw duun hu Dios ha Amay nuy ha harì nuy agkaahà. Dayun sa Dios ha pakaahà hu alan iyan en magbales inyu.

Mateo 5:48

Aman magmahimpit kaw iling hu Amay nuy diyà ta langit.

Galacia 1:1

Iyan a si Pablo ha apustul sa migsulat taini duma hu alan ha mga suled taw duun hu pagtuu. Sa katenged ku hu pagkaapustul kenà pinaagi hu etaw ha pagpilì ta sa migpilì kanak iyan si Cristo Jesus daw sa Dios ha Amay taw ha iyan migbanhaw kandin. Sinulatan day inyu sa mga punduk hu tagkaamul-amul ha mga tumutuu diyan ta prubinsya ta Galacia.

Juan 20:17

Ba si Maria inikagiyan hi Jesus, “Butawani a ikaw ta hurà a pa makaulì duun hu Amay ku. Elegi nu sa mga tinun-an ku daw ikagiyi sidan ha ag-ulì a duun hu Dios ha Amay ku ha iyan Amay daw Magbabayà nuy daan.”

Mateo 26:42

Luminikù dà paman si Jesus daw mig-ampù ha tagyanaen, “Amay ku, ku mabaluy ngaay harì a ikaw ipaagi duun taini ha mga alantusen. Ba iyan sa ikaw ha pagbayà matuman kenà iyan sa kanak.”

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Mateo 10:29

Henhenaa nuy ha bisan sa mga atiyuay ha tagbis harì agpatay ku harì igtugut hu Dios.