Mateo 4:24 - Lalang Hu Dios

²⁴ Sa tultulanen mahitenged kandin nakalekep diyà ta prubinsya ta Siria, aman pinan-uwit dan diyà ta kandin sa mga etaw ha agkangadaluwan hu hurà mag-iling ha dalu daw sa agkangasakitan. Sa duma kandan agkangabidbid daw amin mga minatay en sa dibaluy ha lawa din daw sa duma tinaguan en hu mga busaw. Ba alan sidan naulian hi Jesus.

Mateo 4:24 Referans Kwoze

Mateo 17:15

ha minikagi, “Ginuu, kahid-uwi sa batà ku ha maama ta agkabidbid daw tag-antus gayed. Kapila en makaagbul duun hu hapuy daw duun hu wahig.

Mateo 8:6

“Ginuu, agkatungkayan hu dalu sa suluguen ku diyà ta balay na harì en pakakayug-kayug daw agkasakitan gayed.”

Lucas 5:15

Ba sa tultulanen mahitenged ki Jesus bà dà nasì nakalekep duun hu madiyù ha mga banuwa, aman madakel tungkay ha mga etaw sa nangaamul-amul diyà ta kandin ta daw mapaliman dan sa tigtudlù din daw maulian daan sa mga dalu dan.

Lucas 2:2

Iyan haini una ha pagpanlista daw iyan si Cirenio gubirnadur diyà ta Siria.

Mateo 17:18

Binaldeng hi Jesus su busaw ha tuminagù taena ha batà aman sagunà guminuwà su busaw dayun naulian su batà.

Mateo 15:22

Amin diyà bahi ha sa mga kapuun din su anay taga-Canaan ha duminiyà ki Jesus daw hangyù, “Ginuu ha Kaliwat hi David, kahid-uwi a ikaw. Agkatungkayan sa laga-laga ku ta tinaguan hu busaw.”

Mateo 12:22

Amin etaw ha nabuta daw naemaw tumenged ta tinaguan hu busaw saena inuwit hu mga etaw diyà ki Jesus. Naulian din haena aman sagunà nakaindan daw nakaikagi.

Mga Buhat 10:38

ha pigpaulinan hu Dios si Jesus ha taga-Nazareth hu Balaan ha Ispiritu daw ginaheman din. Aman migduun-duun si Jesus hu mga banuwa daw binuligan din sa taglised daw naulian din daan sa pinasipalahan hi Satanas ta sa Dios tagduma gayed kandin.

Mga Buhat 15:23

Impauwit sidan hu sulat ha tagyanaen, “Iyan kay sa mga apustulis daw mga agalen hu tumutuu dini sa migsulat taini. Kamusta kaw sinyu sa mga suled day duun hu pagtuu ha kenà mga Judio diyan ta Antiokia daw duun hu mga prubinsya ta Siria daw ta Cilicia.

Marcos 2:3

Nakadiyà daan sa haepat ha mga etaw ha taglanting hu minatay en sa dibaluy ha lawa din.

Marcos 1:32

Su madani en agpanukilem pinan-uwit hu mga etaw diyà ki Jesus sa alan ha agkangadaluwan daw sa pigtaguan en hu busaw.

Mateo 4:23

Nalekep hi Jesus sa alan ha banuwa ha sakup ta Galilea. Duun hu mga simbahan hu mga Judio migtudlù si Jesus hu Maayad ha Tultulanen mahitenged hu pagharì hu Dios daw naulian din daan sa alan ha mga dalu hu mga etaw.

Mga Buhat 15:41

Duminuun sidan hu mga banuwa ha sakup ta Siria daw Cilicia daw piglig-en hi Pablo sa pagtuu hu mga tumutuu diyà.

Lucas 4:14

Luminikù si Jesus diyà ta prubinsya ta Galilea ha ginaheman hu Balaan ha Ispiritu daw sa tultulanen mahitenged kandin nakalekep duun hu alan ha mga banuwa diyà.

Marcos 1:28

Sagunà nakalekep sa tultul mahitenged ki Jesus duun hu alan ha mga banuwa ha sakup ta Galilea.

Mateo 14:1

Duun taena ha panahun napaliman hi Harì Herodes sa mga tultulanen mahitenged ki Jesus,

Juan 10:21

Ba sa duma minikagi, “Ku agkalibeg pa hayana harì din ngaay maikagi haena, daw sa agkalibeg harì daan makaulì hu buta.”

Mateo 9:35

Nalekep hi Jesus sa alan ha banuwa daw migtudlù duun hu mga simbahan hu Maayad ha Tultulanen mahitenged hu pagharì hu Dios daw naulian din daan sa alan ha mga dalu hu mga etaw.

Mateo 9:26

Saini ha tultulanen nakalekep duun hu alan ha mga banuwa diyà.

Mateo 8:28

Su makalayun en si Jesus daw sa mga tinun-an din diyà ta ubay ta Gadara amin diyà daruwa ha etaw ha nangapuun duun hu panlebengà ha tinaguan en hu mga busaw. Mga mabis-ay gayed sidan aman harì pakaagi sa mga etaw duun taena. Ba su masal-aw dan si Jesus

Mateo 8:33

Su mga etaw ha tagbantay ku mga babuy namamulaguy daan payanaen diyà ta banuwa daw intultul dan sa nahitabù ku mga babuy daw ku nainu-inu sa ingkaulii taena ha tinaguan hu mga busaw.

Marcos 2:4

Harì sidan pakaubay diyà ki Jesus ta madakel tungkay sa mga etaw aman namanahik sidan diyà ta atep daw pusuwi sa tenged hi Jesus, dayun hinawil dan duun su agkadaluwan ha taghidegaay duun hu banig.

Marcos 2:9

Inu diay sa malumu ha ikagiyen duun taini ha agkadaluwan? Iyan ba sa, ‘Napasaylu en sa mga salà nu’ daw ku iyan ba sa, ‘Bangun kad, luluna sa banig nu daw hipanaw kad en’?

Lucas 4:38

Uminawà si Jesus diyà ta simbahan daw duminiyà ta balay hi Simon. Agkagenaw sa ugang ha bahi hi Simon daw hinangyù dan si Jesus ha buligan din haena,

Lucas 5:24

Ba iman igpaahà ku inyu ha siak sa Batà hu Etaw amin ku kagahem dini ta kalibutan hu pagpasaylu hu mga salà.” Aman inikagiyan din su etaw ha minatay en sa dibaluy ha lawa din, “Bangun kad, luluna sa banig nu daw ulì kad en.”

Mga Buhat 8:7

Madakel sa mga pigket daw sa mga minatay en sa dibaluy ha lawa dan ha nangaulian. Nakapangulahì daan sa mga busaw su bugawen din en duun hu mga etaw ha tinaguan dan.

Lucas 7:17

Saena ha tultulanen mahitenged ki Jesus nakalekep duun hu alan ha mga banuwa diyà ta Judea daw hu ubayà taena.

Mga Buhat 28:9

Aman sa duma ha agkangadaluwan duun taena ha pulù namandiyà ki Pablo dayun nangaulian sidan.