Mateo 3:15 - Lalang Hu Dios

¹⁵ Ba tuminubag si Jesus, “Buhata haini ta kinahanglan matuman sa alan ha agkabayaan hu Dios.” Aman binautismuwan haena hi Juan.

Mateo 3:15 Referans Kwoze

Juan 4:34

Ba inikagiyan sidan hi Jesus, “Sa pagkaen ku iyan sa pagtuman hu agkabayaan taena ha migsugù kanak daw sa pagpenga hu alan ha igpabuhat din.

Juan 15:10

Ku tumanen nuy sa mga sugù ku inyu harì kaw maawà duun hu pagpalanggà ku inyu. Iling hu pagtuman ku hu insugù kanak hu Dios ha Amay ku ha hurà a daan kaawà duun hu pagpalanggà din kanak.

Juan 13:15

Ta saena binuhat ku diyan ta inyu ta daw mailingan nuy.

1 Juan 2:6

ku sa batasan taw matareng iling ki Jesus su dini pa ta kalibutan.

Lucas 1:6

Si Zacarias daw si Elizabeth inisip hu Dios ha matareng daw tinuman dan gayed sa alan ha Kasuguan hu Dios.

Juan 8:29

Sa Amay ku ha migsugù kanak tagduma gayed kanak. Harì a kandin igpatayà ta sigi ku tagbuhaten sa agkabayà-bayaan din.”

Hebreo 7:26

Si Jesus iyan tungkay labaw ha sinaligan hu paghalad ha tagkinahanglanen taw gayed ta himpit daw hurà makasaway kandin tumenged ta kenà iling hu etaw ha makasasalà daw impatangkaw haini labaw hu alan.

Mateo 3:14

Ba harì ngaay agkabayà si Juan aman minikagi, “Harì mahimu ha bautismuwan ku ikaw ta iyan a ngaay angayan ha bautismuwan nu.”