Mateo 3:11 - Lalang Hu Dios

¹¹ “Diyà a ta wahig agpamautismu inyu ha iyan timaan ha nahinulsulan nuy en sa mga salà nuy. Ba amin pa makadini ha labaw dì kanak ta bisan sa pag-uwit hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Mateo 3:11 Referans Kwoze

Lucas 3:16

Ba inikagiyan sidan hi Juan, “Diyà a ta wahig agpamautismu inyu ba amin pa makadini ha labaw dì kanak ta bisan sa paghukad hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Mga Buhat 1:5

Duun hu panahun hi Juan diyà haena agpamautismu ta wahig ba harì malugay sa igbautismu inyu iyan sa paulinan kaw hu Balaan ha Ispiritu.”

Tito 3:5

ta linuwas ki kandin. Sa ingkaluwas ta kenà tumenged hu matareng ha binuhat ta ba tumenged dà gayed hu kahid-u din kanit. Linuwas ki kandin pinaagi hu paglimpyu kanit ha iyan nakapahimu ha in-isab ki dà imbatà daw pinaagi daan hu Balaan ha Ispiritu ha mig-ila kanit hu bag-u ha kinabuhì.

1 Corinto 12:13

Ta sikuy, sa Judio daw sa kenà, sa ulipen daw sa kenà, alan kuy nabautismuwan pinaagi hu sabuwa dà ha Balaan ha Ispiritu, aman sabuwa kuy dà ha lawa daw inulinan kuy alan hu sabuwa dà ha Balaan ha Ispiritu.

Mateo 3:6

Insugid dan sa mga salà dan aman pigbautismuwan sidan hi Juan diyà ta Wahig ta Jordan.

Mga Buhat 19:4

Dayun inikagiyan sidan hi Pablo, “Sa intudlù hi Juan iyan sa maghinulsul sa etaw dayun mabautismuwan, daw tinudluan din daan sa kaet-etawan ha tumuu sidan taena ha makauma ha hudiyan dì kandin ha iyan si Jesus.”

Lucas 1:17

Iyan haena agkauna dì hu Ginuu daw sa gahem din iling ki Elias ha prupita ta daw makag-uliay sa maayad ha pagdapità hu mga batà duun hu mga laas dan, daw sa mga etaw ha masinupaken makaghinulsul daan dayun makalikù duun hu maayad ha panghenà-henà. Iyan haena makapangandam hu kaet-etawan hu pagpakauma hu Ginuu.”

Juan 1:30

Iyan haini tagsubayen ku, ‘Amin pa makadini ha labaw dì kanak ta duduun en su hurà a pa ibatà.’

Marcos 1:4

Aman nakauma si Juan Ha Tagpamautismu duun taena ha pinakabulung-bulung ha lugar daw tagpanunultul ha tagyanaen, “Maghinulsul kaw ta daw mapasaylu sa mga salà nuy daw magpabautismu kaw.”

Efeso 3:8

Bisan pa ku pinakaminus ad en duun hu mga etaw hu Dios ba pinilì a kandin hu pagsangyaw duun hu kenà mga Judio hu Maayad ha Tultulanen mahitenged hu harì mategkad ha panalangin ha ig-ila hi Cristo.

1 Pedro 5:5

Sinyu daan sa mga batan-en pa, magmatinumanen kaw hu mga magulang. Alan kaw magpaubus duun hu mga duma nuy ta sa insulat ha lalang hu Dios tagyanaen, “Agsupaken hu Dios sa tagpalabaw-labaw ba agbuligan din sa tagpaubus.”

Juan 1:15

Iyan haini intultul hi Juan duun hu kaet-etawan su umikagi hu madaging ha tagyanaen, “Iyan en haini su tagsubayen ku, ‘Amin pa makadini ha labaw dì kanak ta duduun en su hurà a pa ibatà.’”

Lucas 3:3

aman huminipanaw payanaen duun hu mga banuwa ubay diyà ta Wahig ta Jordan. Iyan haini intultul din, “Maghinulsul kaw ta daw mapasaylu sa mga salà nuy daw magpabautismu kaw.”

Mga Buhat 8:36

Hurà kalugay nakauma sidan duun hu wahig aman minikagi su upisyal, “Taini en sa wahig. Harì ba mabaluy ha bautismuwan ad iman ikaw?”

Mga Buhat 8:38

Impataleen ku upisyal su kalisa dayun duminiyà sidan ta wahig daw bautismuwi haena hi Felipe.