Mateo 28:18 - Lalang Hu Dios

¹⁸ Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Mateo 28:18 Referans Kwoze

Juan 3:35

Pinalanggà hu Dios ha Amay sa Batà din daw iyan sinaligan ha magharì hu alan.

1 Pedro 3:22

ha duminiyà en ta langit daw duun iman tagpinuu hu kawanan hu Dios, daw iyan haena tagbayà hu mga balinsuguen hu Dios daw hu alan ha amin din kagahem diyà ta kalangitan bisan sa mga ginsakupan hi Satanas.

Mateo 11:27

Dayun minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha agkabayaan ku ha makakilala kandin.

Hebreo 2:8

daw buhaten nu ha iyan magharì hu alan.” Saini ha inikagi, “iyan magharì hu alan” tagpasabut ha hurà gayed tinanghagà ha harì pagharian asem hu etaw. Iman harì taw pa haini agkaahà.

1 Corinto 15:27

Amin lalang hu Dios ha tagyanaen, “Duun taena buhaten hu Dios ha si Cristo iyan magharì hu alan.” Saini ha, “alan” tagpasabut ha hurà makalagkes duun sa Dios ta iyan haena magbuhat ki Cristo ha Harì.

Juan 17:2

ta in-ila nud en kanak sa kagahem ha mailahan ku hu kinabuhì ha hurà din katapusan sa kaet-etawan ha in-ila nu kanak.

Juan 13:3

Natun-an hi Jesus ha iyan impagharì hu Dios ha Amay din hu alan daw natun-an din daan ha duun napuun hu Dios daw diyà dà daan ag-ulì ta kandin.

Hebreo 1:2

ba iman taini ha panahun mig-ikagi dini ta kanuy pinaagi hu Batà din. Pinaagi kandin tinanghagà hu Dios sa alan daw iyan daan haena tinaganahan din hu alan.

Colosas 2:10

Tumenged hu pagpakigsabuwa nuy kandin naangken nuy en sa pagkahimpit hi Cristo ha iyan kinatangkawan hu alan ha amin din kagahem.

Lucas 10:22

Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”

Impadayag 19:16

Duun hu pinaksuy din daw diyà ta bubun din sinulatan, “Harì hu alan ha mga harì daw Magbabayà hu alan ha mga magbabayà.”

Roma 14:9

Si Cristo Jesus minatay daw nabanhaw ta daw mabuhat ha Ginuu hu mga tumutuu ha minatay en daw hu bubuhay pa.

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

Impadayag 11:15

Su ikapitu ha balinsuguen hu Dios mighiyup hu kandin ha trumpita. Napaliman ku sa mga madaging ha lageng diyà ta langit ha tagyanaen, “Sa kagahem hu pagharì duun hu kaet-etawan kandin dà hu Dios ha Magbabayà day daw kandin daan hu Misiyas ha pinilì din ha magharì hu hinangturan.”

Mateo 26:64

Tuminubag si Jesus, “Iyan ad en su inikagi nu. Ba ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Mga Buhat 2:36

“Aman kinahanglan ha sikuy sa alan ha mga kaliwat hi Israel, matun-an taw gayed ha si Jesus sa impalansang nuy duun hu krus binuhat hu Dios ha iyan Ginuu taw daw Misiyas.”

Mga Buhat 10:36

Sa Maayad ha Tultulanen ha insangyaw kanay sikay sa mga kaliwatan hi Israel iyan haini sa magmalinawen kuy pinaagi ki Cristo Jesus sa Ginuu hu alan.

Mateo 16:28

Laus gayed sa ag-ikagiyen ku inyu ha amin inyu tagtiyadeg dini iman ha harì pa matay na maahà ad en inyu ha Harì.”

Juan 3:31

Sa diyà napuun ta langit iyan labaw hu alan, ta sa etaw ha dini dà ta kalibutan kalibutanen dà sa tagsubayen din. Ba saena ha diyà napuun ta langit iyan labaw hu alan.