Mateo 27:52 - Lalang Hu Dios

⁵² Sa mga liyang ha panlebengà nangapuwaan daw amin nangabanhaw ha mga etaw hu Dios.

Mateo 27:52 Referans Kwoze

1 Tesalonica 4:14

Tumenged ta tagtuu kuy ha si Jesus minatay ba nabanhaw dà iling daan taena sa namamatay en ha mga tumutuu banhawen dà daan hu Dios daw makaduma ki Jesus ku lumikù.

1 Corinto 15:20

Ba laus gayed ha si Cristo nabanhaw daw iyan haena nauna ha binanhaw ha harì en isab matay.

1 Tesalonica 5:10

ha iyan migpakamatay para kanuy ta daw bisan ku matay kuy en daw ku bubuhay pa ku lumikù asem haena makaamul kuy gayed kandin hu hinangturan.

1 Corinto 15:51

Palilimani nuy haini sa inlilung su anay ha ag-ikagiyen kud iman inyu ha duun asem taena ha panahun alan kuy mangahalin. Ta tigkan hiyupen sa trumpita dayun sa namamatay mangabanhaw ha harì en isab matay daw sa mga bubuhay pa mangahalin daan.

1 Corinto 11:30

Iyan haini hinengdan ha madakel inyu sa maluya daw daluwanen daw sa duma namamatay.

Mga Buhat 7:60

Dayun luminuhud daw minikagi hu madaging, “Ginuu, harì nu ag-isipa ha salà dan haini.” Su maikagi din en haena minatay dayun.

Juan 11:11

Daw minikagi pa daan, “Tuminiduga en sa amigu taw ha si Lazaro ba dumiyà kuy ta agpukawen ku.”