Mateo 26:14 - Lalang Hu Dios

¹⁴ Si Judas Iscariote sa sabuwa duun hu sampulù daw daruwa ha tinun-an duminuun hu mga labaw ha sinaligan hu paghalad

Mateo 26:14 Referans Kwoze

Mateo 10:4

si Simon sa sakup hu Cananiyo daw si Judas Iscariote ha iyan miglimbung ki Jesus.

Mga Buhat 1:16

“Mga suled, kinahanglan gayed ha matuman sa insulat ha lalang hu Dios ha inikagi hi David gaun su ulinan hu Balaan ha Ispiritu mahitenged ki Judas sa panulù hu kadakepa ki Jesus.

Juan 13:30

Su makaen en haena hi Judas sagunà guminuwà daw agkadaleman en haena.

Juan 13:2

Agpanihapun sidan ba si Judas Iscariote ha batà hi Simon daan en tinaguan hi Satanas ha iyan maglimbung ki Jesus.

Mateo 27:3

Su matun-an hi Judas ha si Jesus hinukuman en hu kamatayen nakagbasul gayed haena hu paglimbung din. Aman luminikù duun hu mga labaw ha sinaligan hu paghalad daw mga magulang ta iglikù din ngaay haena sa katluan ha salapì

Mateo 26:47

Su kamulu pa tag-ikagi si Jesus nakauma en sa sabuwa duun taena ha sampulù daw daruwa ha tinun-an ha iyan si Judas duma hu madakel ha mga etaw ha tag-uuwit hu mga ispada daw mga bunal ta sinugù sidan hu mga labaw ha sinaligan hu paghalad daw hu mga magulang.

Juan 18:2

Si Judas ha iyan maglimbung ki Jesus natulen din en haena ta mahies sidan mag-amul-amul duun.

Mateo 26:25

Dayun minikagi si Judas sa miglimbung kandin, “Manunudlù, iyan a ba?” Tuminubag si Jesus, “Sa inikagi nu na iyan en.”

Juan 12:4

Ba sa sabuwa ha tinun-an hi Jesus ha iyan si Judas Iscariote sa iyan daan maglimbung kandin minikagi,

Juan 13:26

Minikagi si Jesus, “Idèdè ku haini sa supas daw ku sin-u sa ilahan ku duun iyan en haena.” Dayun in-ila din su supas diyà ki Judas ha batà hi Simon Iscariote.

Mga Buhat 1:18

“Amin bugtà ha napalit ku insuhul ki Judas hu paglimbung din ki Jesus. Duun taena ha bugtà nakadaghà sa lawa hi Judas aman migbutu sa getek din daw nakayat sa bituka din.