Mateo 20:21 - Lalang Hu Dios

²¹ Aman ininsaan hi Jesus, “Inu man sa agkabayaan nu?” Tuminubag haena, “Sa aghangyuen ku ikaw iyan sa ku magharì ka asem saini ha mga batà ku iyan ipapinuu duun hu abay nu, sa sabuwa diyan ta kawanan daw sa sabuwa diyan ta gibang nu.”

Mateo 20:21 Referans Kwoze

Mateo 19:28

Inikagiyan sidan hi Jesus, “Laus gayed sa ag-ikagiyen ku inyu ha umuma sa panahun ha bag-uwen sa alan daw siak sa Batà hu Etaw minuu a duun hu trunu. Sinyu sa sampulù daw daruwa ha mga tinun-an makapinuu kaw daan duun hu mga trunu daw pagharian nuy haena sa sampulù daw daruwa ha kaliwatan hi Israel.

Mateo 18:1

Duun taena ha panahun duminiyà ki Jesus sa mga tinun-an din daw ininsaan dan, “Sin-u sa labaw duun hu tagharian hu Dios?”

Mga Buhat 1:6

Amin panahun ha naamul en paman sa mga apustulis duma ki Jesus aman ininsaan dan haena, “Ginuu, iyan en ba haini panahun ha ilikù nu dini ta kanay sa katenged hu pagharì duun taini ha nasud day sikay sa mga kaliwat hi Israel?”

Marcos 6:22

Su sumayaw su laga-laga din duun hu atubangan taena ha nangaamul-amul, tungkay gayed nabayà-bayaan hi Herodes daw hu mga pinan-imbita din. Aman inikagiyan ku harì su laga, “Bisan inu sa panayuen nu iila ku gayed ikaw.”

Mateo 20:32

Aman tuminaleen si Jesus daw umawa su mga buta ha kagi din, “Inu man sa agkabayaan nuy ha buhaten ku diyan ta inyu?”

Colosas 3:1

Tumenged ta nabanhaw kaw duma ki Cristo henhenaen nuy gayed sa mga langitnen ha butang ta diyà en si Cristo tagpinuu hu kawanan hu Dios pagharì.

Roma 12:10

Magpinalanggaay kaw isip ha migsusuled daw magpatahud-tahurà kaw gayed.

Juan 15:7

Ku harì kaw sumuway kanak daw magpabilin kaw duun hu mga lalang ku sa bisan inu ha agpanayuen nuy ig-ila ku inyu.

Lucas 22:24

Migsawalà su mga tinun-an hi Jesus ku sin-u kandan sa labaw.

Lucas 19:11

Su tagpaliliman pa sa mga etaw inikagiyan sidan hi Jesus taini ha pananglitan ta duun taena ubay en sidan diyà ta Jerusalem daw abi dan ha sagunà en magharì sa Dios.

Lucas 18:41

“Inu man sa agkabayaan nu ha buhaten ku diyan ta ikaw?” Tuminubag su buta, “Ginuu, makaindan a ngaay.”

Marcos 10:51

Ininsaan hi Jesus su buta, “Inu man sa agkabayaan nu ha buhaten ku diyan ta ikaw?” Su buta tuminubag, “Manunudlù, makaindan a ngaay.”

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

Marcos 16:19

Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios.

Mateo 20:22

Ba inikagiyan hi Jesus su daruwa, “Harì nuy gayed agkatun-an sa taghangyuen nuy. Maantus nuy ba sa mga melegen ha maul-ulahan ha madani en makauma dini ta kanak?” Tuminubag sidan, “Hee, maantus day.”