Mateo 19:23 - Lalang Hu Dios

²³ Dayun inikagiyan hi Jesus sa mga tinun-an din, “Laus gayed sa ag-ikagiyen ku inyu ha malegen tungkay ha maharian hu Dios sa etaw ha sapian.

Mateo 19:23 Referans Kwoze

Mateo 13:22

Su binhì ha duun nakatanà ku sampiniten iyan su mga etaw ha nakapaliman en hu lalang hu Dios. Ba tumenged hu mga kasamukan dan dini ta kalibutan daw hu kabayà dan ha magsapian sidan sa lalang hu Dios agkalipatan dan dà aman harì en haena agpamunga diyà ta kandan.

Marcos 10:23

Mighelaw-helaw si Jesus daw ikagiyi sa mga tinun-an din, “Malegen tungkay ha maharian hu Dios sa etaw ha sapian.”

Lucas 18:24

Uminahà si Jesus diyà ta kandin daw ikagi, “Malegen tungkay ha maharian hu Dios sa etaw ha sapian.

1 Corinto 1:26

Mga suled, henhenaa nuy ku inu kaw su makatuu kaw. Pipila dà inyu sa matatau gayed daw amin din katengdanan daw mga tinahud ha etaw.

Juan 3:3

Tuminubag si Jesus, “Laus gayed sa ag-ikagiyen ku ikaw ha sa etaw ku harì iisab ibatà harì gayed maharian hu Dios.”

Santiago 2:6

Ba sinyu tagpaamaniyan nuy gayed sa mga makaluluuy. Kenà ba iyan man sa mga sapian taglupig inyu daw iyan daan tagsumbung inyu?

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

Juan 3:5

Tuminubag si Jesus, “Laus gayed sa tag-ikagiyen ku ikaw ha iyan dà maharian hu Dios sa etaw ha ibatà pinaagi hu wahig daw pinaagi hu Balaan ha Ispiritu.

Mateo 18:3

daw ikagiyi, “Laus gayed sa ag-ikagiyen ku inyu ha harì kaw gayed maharian hu Dios ku harì kaw maghinulsul daw harì kaw daan mailing hu mga atiyuay ha mga batà.

Mateo 5:20

Ikagiyen ku inyu ha sa Dios iyan din dà tagharian sa matareng gayed dì taena ha mga manunudlù hu Kasuguan daw mga Parisiyu.

Mateo 21:31

“Sin-u man duun taena ha mga batà sa nakatuman hu insugù hu amay dan?” Tuminubag sidan, “Iyan haena sa magulang.” Inikagiyan sidan hi Jesus, “Laus gayed sa ag-ikagiyen ku inyu ha saena ha limbungan ha manunukut hu buhis daw su madaet ha mga bahi iyan mangauna dì inyu ha pagharian hu Dios.

Mateo 19:22

Su mapaliman ku etaw su inikagi hi Jesus huminipanaw haena ha naguul gayed ta madakel tungkay sa mga katigayunan din.