Mateo 19:21 - Lalang Hu Dios

²¹ Minikagi si Jesus, “Ku agkabayà ka ha mahimpit ka gayed, ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Mateo 19:21 Referans Kwoze

Marcos 10:21

Uminahà si Jesus diyà ta kandin ta agkahid-uwan din haena. Inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Lucas 18:22

Su mapaliman haena hi Jesus inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Lucas 12:33

Ipamaligyà sa mga butang nuy daw sa halin taena ipan-ila duun hu mga makaluluuy ta daw amin nuy mga katigayunan diyà ta langit ha harì matakaw harì agkadaetan daw harì daan maketket.

Lucas 14:33

Iling daan taena ha harì gayed mabaluy ha sumusunud ku sa bisan sin-u inyu ku harì nuy awaan sa alan.

Mga Buhat 2:45

Impamaligyà dan daan sa mga katigayunan dan dayun sa halin taena binahin-bahin sumalà hu kinahanglanen hu kada sabuwa kandan.

Juan 12:26

Bisan sin-u sa agkabayà ha mahimu ha suluguen ku kinahanglan ha lumupug kanak daw bisan ku hindu a, duun en daan haena. Sa magtuman hu mga sugù ku madayè gayed hu Dios ha Amay ku.

Lucas 9:23

Dayun minikagi si Jesus duun hu kaet-etawan, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw aldaw-aldaw antusen din sa alan ha mga malegen bisan duun hu kamatayen ta daw makasunud kanak.

Juan 10:27

Sa kanak ha karniru tagpaliliman hu lageng ku. Agkakilala ku sidan daw aglupug sidan kanak.

Mateo 5:48

Aman magmahimpit kaw iling hu Amay nuy diyà ta langit.

Lucas 16:9

Ikagiyen ku inyu ha gamita sa mga butang nuy hu pagbulig taena ha taglised ta daw asem ku malugay ha harì en magamit sa mga butang nuy amin gihapun bales inyu diyà ta langit.

Mateo 19:28

Inikagiyan sidan hi Jesus, “Laus gayed sa ag-ikagiyen ku inyu ha umuma sa panahun ha bag-uwen sa alan daw siak sa Batà hu Etaw minuu a duun hu trunu. Sinyu sa sampulù daw daruwa ha mga tinun-an makapinuu kaw daan duun hu mga trunu daw pagharian nuy haena sa sampulù daw daruwa ha kaliwatan hi Israel.

Mateo 16:24

Dayun inikagiyan hi Jesus sa mga tinun-an din, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw antusen din sa alan ha mga malegen bisan duun hu kamatayen ta daw makasunud kanak.

Lucas 6:40

Sa tagpatudlù kenà labaw dì hu tagtudlù kandin ba ku makapenga en sa tagtudluan mailing dà daan haena hu migtudlù kandin.

Lucas 5:27

Su maiwas en haena huminipanaw si Jesus, dayun naahà din sa tagpinuu ha tagpanukut hu buhis ha tagngaranan ki Levi. Inikagiyan din haena, “Dumuma ka kanak.”

Marcos 8:34

Dayun inamul-amul hi Jesus sa mga etaw duma hu mga tinun-an din daw inikagiyan din sidan, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw antusen din sa alan ha mga malegen bisan duun hu kamatayen ta daw makasunud kanak.

Mateo 9:9

Su dumayun si Jesus naahà din sa tagpinuu ha tagpanukut hu buhis ha tagngaranan ki Mateo. Inikagiyan din haena, “Dumuma ka kanak” aman huminitindeg si Mateo daw duma kandin.

Hebreo 10:34

Nahid-uwan nuy daan haena sa mga naprisu, daw su agawen dan sa mga butang nuy bà kaw dà nabayà-bayà ta natun-an nuy ha tungkay gayed maayad sa kahimtang nuy asem diyà ta langit duun hu hurà din katapusan.

Marcos 2:14

Su taghipanaw si Jesus naahà din sa tagpinuu ha tagpanukut hu buhis ha tagngaranan ki Levi sa batà hi Alfeo. Inikagiyan din haena, “Dumuma ka kanak” aman huminitindeg si Levi daw duma kandin.

Mateo 8:22

Ba inikagiyan haena hi Jesus, “Dumuma kad kanak ta su mga etaw ha hurà dan pa kinabuhì iyan en maglebeng hu mga minatay.”

Mateo 4:19

Inikagiyan sidan hi Jesus, “Dumuma kaw kanak ta agbuhaten ku inyu ha mamamaling hu mga etaw.”

Mateo 19:20

Ba tuminubag haena sa etaw, “Binuhat kud en hayana. Inu pa sa hurà ku kabuhat?”

Mateo 19:22

Su mapaliman ku etaw su inikagi hi Jesus huminipanaw haena ha naguul gayed ta madakel tungkay sa mga katigayunan din.