Mateo 16:6 - Lalang Hu Dios

⁶ Inikagiyan sidan hi Jesus, “Magbantay kaw hu igpatulin taena ha mga Parisiyu daw Saduceo.”

Mateo 16:6 Referans Kwoze

Lucas 12:1

Su maamul-amul sa libu-libuwen ha mga etaw ha pakaggik-ayà en sidan uminikagi si Jesus duun hu mga tinun-an din, “Bantayi nuy ha harì kaw malimbungan hu mga Parisiyu ha tagpasibù-sibù.

Galacia 5:9

Mag-andam kaw gayed hu biduen ha manunudlù ta agkailing sidan hu atiyuay dà ha igpatulin ba pakalekep duun hu madakel ha harina.

Marcos 8:15

Inikagiyan sidan hi Jesus, “Magbantay kaw hu igpatulin taena ha mga Parisiyu daw hi Herodes.”

Mateo 16:12

Dayun human natun-i ku mga tinun-an hi Jesus ha kenà diay iyan bantayan dan sa igpatulin duun hu supas ba iyan sa mga katudluanan hu mga Parisiyu daw Saduceo.

Lucas 12:15

Dayun inikagiyan din su mga etaw, “Bantayi nuy ha harì kaw maayat ta sa maayad ha pagtimà harì duun agkapuun hu madakel ha mga butang.”

Mateo 3:7

Ba su maahà hi Juan sa madakel ha mga Parisiyu daw mga Saduceo ha tagpabautismu kandin inikagiyan din sidan, “Sinyu sa mga bunsalagan, sin-u sa mig-ikagi inyu ha dumini kaw ta kanak? Abi nuy gid ha mapulaguyan nuy sa silut inyu hu Dios.

Mateo 16:1

Amin mga Parisiyu daw Saduceo ha duminiyà ki Jesus hu pagsulay kandin, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Mateo 16:5

Su lumayun en say Jesus duun ku danaw nalipat sa mga tinun-an din pag-uwit hu supas.

Mateo 16:7

Aman miglalang-lalang sa mga tinun-an din, “Iyan gid ta hurà kuy makauwit hu supas.”

Mateo 16:11

Imbà nuy harì agkasabut ha kenà supas sa tagsubayen ku? Ba magbantay kaw hu igpatulin taena ha mga Parisiyu daw Saduceo.”

Juan 4:33

Aman migpainsaay sa mga tinun-an din, “Amin gid mig-ila kandin hu kalan-enen.”